1.
小新見風間成塊面腫到豬頭咁，很奇怪。
小新︰「正男，乜搞成咁呀 ﹖」
風間︰「尋日同阿呆去新界釣魚，釣釣下魚，突然有隻蜜蜂飛落我塊面度。」
小新︰「乜你冇用手提佢走咩 ﹖」
風間︰「有呀 ﹗不過我黎唔切用手趕，阿呆就已經用隻船槳將隻蜜蜂打死啦。」
2.
妮妮鬼咁無記性，次次叫佢買早餐，唔係買漏，就
係買錯。今日正男、風間和小新三人商議後，決定用最原始方法，乜都寫低係張紙上面。
於是我們將要吃的早餐寫在紙上。
一︰牛肉粥、二︰餐蛋麵、三︰腸粉、四︰炒麵。
結果妮妮不負所託，買了一碗牛肉粥、兩碗餐蛋麵、三碟腸粉同四包炒麵。
3.
妮妮上班不久，就接到信，要求立刻離職。妮妮怒氣沖沖的質問經理小新。
妮妮︰「小新，我有乜野唔得，你要炒我魷魚呀 ﹖」
小新︰「因你有兩樣唔得， 就係呢樣又唔得，果樣又唔得，兩種囉﹗」
4.
正男去買砂糖。但見老闆風間去打開上面寫了「胡椒粉」的櫃桶。
正男︰「喂 ﹗我去買砂糖喎 ﹗」
風間︰「呢 d 咪砂糖囉 ﹗」
正男︰「但係你個櫃桶寫住『胡椒粉』喎 ﹗」
風間︰「呵 ﹗我特登 ga ﹗用黎呃老鼠，等佢地見到係『胡椒粉』咪唔會o黎偷食囉 ﹗」
5.
警署裏，警察問被人打ge小新說︰「你記唔記得打你果個人點樣呀 ﹖」
小新非常肯定說︰「當然記得啦 ﹗我就係因為形容佢個樣，先至搞到挨打咋嘛 ﹗」
警察︰「 ﹗﹖# % @ *」
6.
小新收到信要做陪審員。他了解過這件案，發覺案情複雜，恐怕會拖一段長時間，於是他向法官請求豁免。
小新︰「法官大人，因為我係公司ge經理，而公司有好多野要我跟，我諗我唔可以行開咁耐 ﹗」
法官︰「你o既意思，係咪話公司冇左你唔得咁話呀 ﹗」
小新︰「唔係呀 ﹗法官大人，我就係知道間公司冇左我，都可以正常運作，我擔心畀佢地發覺呢個事實，我就冇得撈呀 ﹗」
7.
小新準備搭的士去機場。
佢於是就問的士司機︰「去機場要幾多錢 ga ﹖」
的士司機︰「大約三百蚊啦 ﹗」
小新︰「咁樣呀.......行李要收幾多錢呀 ﹖」
的士司機︰「見你咁靚仔，行李免費又點話 ﹖」
小新︰「太好喇 ﹗所有行李都係哂度，麻煩你送去機場，我響機場入口等你 ﹗」
8.
妮妮︰「點解你追求我個陣，日日坐的士，依家日日要坐地鐵 ﹖」
小新︰「我覺得你好囉 ﹗」
妮妮︰「唔明 ﹗」
小新︰「初時唔知你咁好，淨係坐的士，得個的士司機望到你，依家識得你耐左，知你咁好，梗係要帶你坐地鐵，等多 d 人望到你囉 ﹗我都好自豪 ga ﹗唔通你唔自豪咩 ﹖」
9.
今日妮妮打扮得非常漂亮，化哂妝仲著埋條緊身裙，諗住俾男友一個驚喜。上巴士時，噢 ﹗佢雙手實在太多野，條裙又太緊，佢根本上唔到巴士 ﹗後面ge人又係咁催佢，佢冇辦法之下，唯有拉開條裙後面ge拉鍊，希望鬆少少可以上到。說也奇怪，條裙完全冇鬆到，佢依然上唔到 ﹗冇辦法之下，佢唯有嘗試再拉多次，結果都係唔得 ﹗後面ge人繼續鼓譟，正當佢唔知點做之際，企響佢後面ge小新，二話不說就抱佢上巴士 ﹗
妮妮面都紅哂，大大聲咁鬧︰「喂 ﹖你做咩呀 ﹖我都唔識你，你做咩抱我上車呀 ﹖」
「小姐。」小新說︰「當妳響大庭廣眾前，拉開我條褲鍊兩次之後，我就覺得我地係好朋友 ﹗」
妮妮︰「 ﹗﹖# % @ *」
10.
天堂上，小新撞到風間。
小新︰「咦 ﹖你點死呀 ﹖」
「我係凍死呀 ﹗風間仲打哂冷震咁話︰「你都唔知凍死ge滋味，真係好恐怖 ﹗首先就凍到頭暈暈，跟住D手指腳指就覺得好凍。凍到咁上下，你就好想訓覺……訓訓下就唔會再醒喇 ﹗」
小新︰「咁慘呀 ﹖我心臟病發死既，舒服好多 ﹗」
「係 ﹖」
「我懷疑左我老婆好耐，於是有一日，我就扮返工諗住睇下邊個係奸夫啦 ﹗點知響屋企點搵都搵唔到，廁所又搵過，床下底又搵過，連衣櫃都搵埋，都係搵唔到 ﹗搵搵下，一時嬲得滯就心臟病死左喇 ﹗」
「唉……如果你入廚房搵下個雪櫃，咁我地兩個都唔駛死喇 ﹗」
|
