今日37週啦...不經不覺...仲有3個星期...小寶出生啦...

好期待...希望佢乖乖地...唔好要我咁辛苦啦...開始對未來有少少疑慮...

我生完之後做唔做野好呢...可以既話緊係唔做啦..但係唔做就會好快同呢個社會脫節

冇野做既時候同老公吵...講野都冇power d既...

唔做野就唔使請多個工人...但係我奶奶同男家個d親戚成日都話我一個人一定搞唔掂...

叫我快d請人...請左人...佢個d人工就要我比ka la..咁唔做野點得呀...

其實以前d人咪又係咁揍...人地冇人幫...仲要做埋野...不過係辛苦d...其實我都唔係好怕辛苦個d人黎既

我真係唔係好想請多個工人...

不經不覺又過了一年了...想起上一年既呢個時候..仲busy緊搞婚禮既野...而家就黎做人地媽咪啦...

好多人問我有咩感覺..緊唔緊張..其實暫時到呢一刻都未去到好緊張...可能我緊張開掛..人地成日話我浪費錢

去睇好多次私家醫生..成日照超聲波唔好..不過我覺得我自己要好掌握到我個女既生長情況..知道佢有動啦..有重啦

自己都好安心..所以而家都唔係好緊張..前兩日係私家既最後一次覆診...我個女已經有6.4磅啦...我仲有4個星期先到

預產期...如果真係4星期後先出生..唔會早既話..有成8磅...我覺得好好...個磅數令我覺得我個女好健康...雖然

我重左40磅..但係都係值得既...我一定可以減肥減番以前咁樣既..其中一個動力就係我老公啦...

女人要鎖住一個男人...生完仔一定要keep番..唔可以因此而變師奶...變黃面...雖然係呢9個月我個樣, 身材同行為

都師奶到唔師奶..不過..我決定左...我一定要減到同變番以前咁...如果自己減唔到..都要去join一個胡杏兒既

減肥package..$688..誓要在2星期減10-20磅...哈哈哈

前兩日本身有d激氣野...關於公司既..不過我都唔理佢啦..安心生我既bb...唔好動氣...

呢一排睇中左一款揹帶..想買比我個女...不過要成$500一條...你地覺唔覺得好貴呀

呢一隻除了brand name之外...我個女一出生就可以用ka la...其實有好多其他款會平點

但係始終都唔知點解覺得呢一條好一點...

公司個兩個人唔知搞咩q野...叫我返去青衣同佢handover的野...又話請到人接手...

我真係冇你咁得閑...我而家你放緊假..我唔會抽私人時間去同你handover野囉

等我返工先啦..不過都唔會有呢一日...haha

呢幾日放假心情超級愉快

今日去了上堂..上咩堂..緊係同bb有關ka la...去學點幫bb沖涼呀

講就真係幾容易...做真係好難...希望可以handle到啦...

有時呢的男人真係唔可以就佢咁多ka..好似我老公咁..我有一日在佢一大班朋友面前..

講佢好少摸佢個女...即係我個肚...之後直到今日...日日都有摸我個肚..問我有冇唔舒服...

有時我覺得有好多野真係要講到出口..的男人先會知..先會明...佢真係唔會主動諗你有咩唔舒服呀

有咩唔鐘意呀..呢一的野...當然唔包括有的男仔真係好細心..照顧周到..可惜我老公唔係呢一的人

我呀..決定左明天下午唔返工啦...一係因為佢地今本唔應該咁博...佢地咁樣對我..二就當然係有少少懶啦

不過今日都比兩個字責住左...就係責任兩個字...我明天唔返..好似好無責任咁..不過聽完阿GRACE一番話之後

...就覺得自己身體係緊要過呢一份工作...何況呢一份工作我都冇諗住會做落去...都係休息同我個女緊要一點

你地話係唔係..

放假啦........

我終於捱到呢一日啦....回想幾個月前真的好想好想辭工唔做..個個都叫我要捱埋個產假...估唔到..

我真你捱到啦...不過最後都唔比我開心咁過...死肥k話我保健通既毛巾數唔arm...要我賠...

個度最少少50條...6.5一條..你估我會唔會賠呢..緊係死都同佢吵啦...吵完我同佢講下個星期三我都會

唔舒服..唔會番..佢仲串我叫我比醫生紙..醫生紙你覺得係一個難題咩...寫50張當錢派比你都得呀

跟住忍唔住打電話比陳生..話佢咁樣...陳生話...佢叫你賠..我冇叫過wo..最終決定唔係佢..係我..你話你入職時

冇簽收過已經係一個好好既理由了...跟本唔需要爭吵...但你都要做好你自己report番比佢知既...

我睇唔到有咩好吵囉...佢又講得arm...所以之後都係做番自己野..不過我都同佢講..我唔理我EMOTION上有

咩野輸...我只係比陳生你知..佢做既不知所謂野...唔可以比你咩都唔知...佢話佢知...咁我個心都順一點

需知陳生都係一隻老WOLF...但不竟真係佢識做好多...肥K差幾皮...好...唔開心野講完

講開心野啦...不過暫時冇WO...哈哈..下次講啦

UPLOAD個肚比大個睇下先...同埋一張被名為母愛的偉大既相...哈哈...點解呢..因為有左之後...真係樣衰左好多

肥左好多...你地唔可以講我不嬲都樣衰呀..我係一個靚女黎KA