仲有幾日就考試,為左呢個考試老公比呢幾日時間我好好咁溫書,等我考完試可以陪佢四圍去玩.

而家我既生活就係溫書,減肥同掛住老公.

今日係做運動個陣都無咩事,點知沖完涼出黎個陣真係好暈,我未試過咁辛苦,

我好想企穩,不過都係要腳步浮浮去沙發度座.

座左一陣以為無事就去度身,我行唔夠幾步,成個人係左右搖咁行,

入到房,自己好似仲辛苦,又口乾,又睇唔到野,

原本好清楚既景象漸漸變為黑色,

我好驚我真係好想喊,後來減肥師問我咩事,

我同佢講我好想暈,之後佢就比我係床度休息左一陣.

大約半小時後,自己無咁暈就麻煩減肥師幫我度身.

臨走時,我同老公傾左一陣電話,佢知我暈,

個時我知佢好擔心,當佢問我點解要咁辛苦去減,佢唔會介意我,

因為個陣我仲未走,所以唔方便同佢講真相.

其實個真相係因為高層見我做運動,無瘦到而且仲重左,

想觀察我多一段時間,如果真係無進展,

可能要係高層面前做運動,個陣可能連休息既時間都無,

而家教練知我累都會比我休息下,

但到時教練恐怕唔會比我休息,仲要我做得更多,

所以我寧願而家再加陪努力.

而家距離目標仲有21磅,

我同左減肥師講下次先做運動,再做treatment,等我可以訓一陣,唔洗咁累,唔怕會再暈.

老公我知你心痛,所以我會好好錫住自己,先可以到時同你去玩.

因為係我心目中,無野緊要得過陪你.