每當人遇到難題，陷於困境的時候，

要祈求的是在困境中有出路，在困境裡有轉機；

這些「出路」和「轉機」，

都是主耶穌賜給我們的，

因為祂的名字就是奇妙策士，

祂的名字就是道路、真理、生命。

琴晚起左一陣身睇波,睇左上半場少少(入左兩球),之後去訓下,訓落左就唔想起身,只係差不多完下半場先起身睇睇.但都係冇右入球1:1要打加時,我就訓了.最後朝早睇賽果,意大利贏,施丹仲比人紅牌趕出場,估唔到係佢退休賽事會係咁樣.因為唔多想返學既關係,所以就唔多想起身,結果好似9點先起(返9點)點知去到天耀既時候無啦啦落大雨-0-,仲係勁大果隻.去左m記聽歌睇報紙,之後hoyi拎左傘比我,果陣又咁岩好返天-0-,玩野.
返到去坐係度睇人辯論,第1隊既總結超正.之後到中六同中四.中六完全屈機,因為佢地有出去上堂-0-,完全一面倒的,但精楚...攪左勁耐,11點幾先有得排JA,排到12點就話放食飯,兩點返去.返返去既時候就要去採排畢業典禮,攪到JA ge採排不斷壓後.畢業典禮採排去到成4點半.之後話開始JA啦,唉,點知音響有問題,又要搵人黎整,又等左勁耐-0-,差不多5點先開始....唉~排排排....排左幾次之後又話聽朝要8點返去練,之後就要做埋林記,扮學生採排送野比校長,因為校長快將榮休了....真不捨得呢...><"
之後去搵HOYI.返屋企....

今朝睇賽果,德國贏葡萄牙3:1.之後就換3返教會,今日要做司事,返緊果陣愛慧打黎吹我,因為話要8點返去祈禱-0-又唔記得左,做早堂真係好唔習慣.今日同陳陳愛芬拍擋.(終於都知lee個名係邊個了)今日同時係聖餐主日,彭長老黎講道.hoyi去到差不多講完道返黎,因為佢要洗埋d3先出得.今日崇拜超多人,我同蕭姑娘坐到出門口-0-".之後主日學,講d食得同唔食得ge野.講到我勁肚餓-0-.同埋遲左完.午堂崇拜開始之後,我換3,因為廢時著咁我耐恤3西褲,變左T恤短褲踢拖...幫愛慧拎野上26c.返落黎之後又係到入定d綿花.
lunch去買飯盒.雞飯again...
食完之後就整公仔,hoyi做暑期作業...之後就去左北江比書阿盈.
返返教會...
4點9送hoyi返屋企...
之後返返教會,見倒嘉岐同熹晴係度吹水,咁就吹埋一份,都係創業問題.熹晴又分享下咁.6點走人.
返屋企等左好耐先有飯食-0-

今日3:30醒左,但係...個鬧鐘明明係未響-0-,y會醒?主叫我起身吧,一定係琴日要返學要我抖足精神.今日係4強法國對葡萄牙.圯身就睇到施丹入左球十二碼,一比零.之後不斷有攻勢,但係去到最尾都係一比零,我覺得最可憐既唔係葡萄牙輸波,而係沙夏臨完場入替亨利,但無幾耐佢拎左個黃牌,就係呢短短幾分鐘,佢今屆世界杯就冇得再踢了,因為4強只係一個黃牌就會決賽冇得踢.唉~真係可憐,本身已經少機會落場,依家仲要落都冇得落.五點睇完返上床訓覺,但碌左好耐都訓唔著...
7點幾比hoyi個電話叫醒左-0-佢今日就會知道升班係點.都好為佢擔心,但同樣好有信心,因為升中四真係唔係想像中既難係今日既社會入面,而只係擔心下讀咩科而已,結果係九點幾佢終於知道左自己入左咩科,如我所料,簡咩入咩.同樣再一次證明左人係一生中有好多擔心都係無謂既,哈,relax咁去面對係最好...
上26c繼續整書,hoyi都上左去.好快d書就整完了.hoyi就約朋友去唱k,我就冇興趣了.我就留抵繼續努力,你玩得開心d啦,中午就去左飲茶,都好耐冇飲了.但要破財-0-" 25蚊唷.
返26c執埋d書既手尾就整熊仔了,因為今個星期六我同嘉岐要負責週會,就係整熊仔了,依家整定d版比佢地跟.其實好快就整好一個-0-,只要你有心去做的話.整到走淨我同嘉岐,hoyi又唱完k返黎之時.6點我地就走lu.
回家去...

唸住夠鬧鐘3點起身睇波,唔知醒,今朝又唔知醒-0-,都好既,神比我訓得精神d.今日8點1先起身,出門口,返到學校打左鐘都仲有後門入,哈.之後見倒大寶佢冇得入^^.好慘.
因為miss要開會既關係,遲左黎,做listening,做完之後,佢地要miss講一個殘酷既事實,升留班會議既結果.有人升唔到,因為唔夠分.聽到之後,好為佢地難過,我真係好希望我自己可以做到d野去幫佢地,但係...我...發覺自己咩都做唔到,唔好彩既除左fionn,仲有文倩君(文),miss極力建議文佢重讀,因為睇得出佢係好有心去讀,且語文好好,只係AL個底打得唔係咁好.但佢就覺得自己中五已經留過,再留佢唔想.不過我自己都同意佢選留班,除非佢真係有一條比依家更好既路啦,因為留多一年,真係可以再將個底打得好好多,起碼競爭力都大d先啦,再且,中五重讀過,中六再重讀,其實都唔係一件絕對壞既事,就好似榮咁,佢有工科轉商科,底冇之餘仲跟得好吃力,結果佢同樣都係唔夠分,佢都經過好大掙扎先選擇重讀,但結果比我睇到,佢係冇選錯,佢呢一年真係好比心機去pick up返佢過去所缺少既野,佢有明顯既進步,再加上對學科加深左理解.就算佢成日都比人話係郭一葦讀左8年,但係謂真一句,讀書係自己,其他人點睇點講其實跟本唔重要,最重要係自己真係付出努力,無悔當初!文,我支持你重讀,主所為你安排既,一定係最好!
家良爬升到仕班第10!!!恭喜!!miss又冇啦啦話我又考第1,有點意驚訝.因為自己今次真係考得唔好(自問)
之後就做oral,冇咩moody...
放學了,即刻返屋企,煮野食,好味,但可惜芝士腸比我食晒喇>0<"...食完之後就出黎lu,上左26c摸門釘,等左好耐先知佢地係邊度食,又係去左台灣.去搵佢地,之後上返去.我今日成日都係度整書,整到好鬼死累,但就有成功感,因為就快攪掂了.收到電話話有人收衫,就同阿森拎架輪椅推落去,夾親手-0-",拎到去佢係到簡,2蚊件,佢要左50幾件,其餘果d我地都唔要,益埋佢.110蚊,算啦好過冇.同埋d衫都係拎返黎既.之後去青協搵hoyi,之後上返26c.整多陣書,差不多7點送hoyi返家就走了.
返到屋企阿妹又係訓緊,因為佢都仲係未好,唉,阿樂呀,快d好返啦.之後夜晚去睇多次醫生,打左針返黎都係訓啦,休息多d都好既.你要快d好呀!!
等左個幾鐘頭既一餐飯,原來只係一碟菜同埋一煲湯,真係極之無耐.