2006 年 7 月 28 日 星期五  |
| 呀tim!!! |
呀tim!!!你有冇事呀??我地幾個都好擔心你呀,連kelvin都係呀!!你千祈唔好諗埋一邊呀,我地會一直都支持你咖!!因為我地永遠都係你既好朋友來咖=]=]希望你可以快d歸隊啦!!
又話今朝一齊去睇魔怪屋,點知你個shirley同你個世平竟然未起身=.="仲有呀..我地又留左呀輝囉...對唔住呀輝=.="好彩魚腩都出左來,最後我地兩個走左去M記食早餐囉=]哈哈~~食完係到玩個包同埋d醬,好好笑XDXD 仲俾個細佬望tim!!哈哈!!不過真係幾好玩喎又=]=]咁就玩左成粒鐘啦~
好早就返到office啦,趙生佢地搞左個"遊戲"話邊個做到3張單or above既人就可以有機會去泰國玩,機票同住宿都係公司包埋,我地油麻地有15個quota,但係我想話我地而家做得最多個個都係得2個咁大把ja喎......不過我冇諗住去啦首先,第一我唔想去泰國,第二我唔想同d唔識既人一齊去...仲要係返學其間去...好野!!唔使預我=]
恭喜你呀shirley~終於俾你搵到marine件衫啦=]=]=]真係可喜可賀呀!!嘻嘻=]
|
| 2006 年 7 月 27 日 星期四 |
| 點解今日要落雨.... |
雖然今日落雨,但係今日都好開心=]多謝您=]同埋你地=]
我唔會唔記得今日咖!!今日係7月27號!!(希望我記得啦=.=) |
| 2006 年 7 月 25 日 星期二 |
| 一個玩字=] |
今日返工好無聊囉~而家返工已經唔係為左返工而返工,而係為左見你地先返工囉=]11點4返到去竟然一個人都冇,連燈都冇開tim...我第一個反應係"er...乜今日唔使返工咩...點解冇人話我知既..."好彩聽到Joanne同maggie把聲je=.="
lunch返來就玩足成個下午,乜都冇做過,玩玩下竟然同shirley一齊訓著左=]第一次係屋企以外既地方訓著覺~平時上堂都係釣魚半訓半醒咖!!一訓就訓左差唔多成粒鐘,一起身仲見到有兜魚蛋係隔離tim=]=]哈哈!!一起身就有野食~不過起身之後隻手好痺囉...好似十幾廿萬隻螞蟻係到咬緊我咁=.="
hea多陣等心心打電話來一齊去日經,早左成半個鐘到喎今日!!極之神奇=]呀chidosai san轉左班喎~今日突然覺得自己d日文好似好左咁喎XDXDXD哈哈!!放左之後同心心+chiba行返去油麻地,佢地兩個就去食韓燒,因為chiba細佬今日生日=]HAPPY BIRTHDAY!!我就同魚腩+shirley3個人一齊食香港仔魚旦粉=]咁又過左一日啦!!
好唔想d時間過得咁快...過下又一日過下又一日咁...真係冇得幾多日剩咖ja喎...唉...同事門我愛你地呀=]=]
P.S.感謝魚腩同shirley一齊送我去撘2A=]我今日竟然冇訓著喎=]=] |
| 感謝你們!! |
今晚真係感觸良多...好多謝大家,我要多謝您,多謝您,您,您同埋您=]因為你地,我呢個暑假係我過得最充實既一個暑假,亦都因為你地,我學到好多野,呢個世界真係乜人都有,雖然呢份工唔係咁完美,可以學既野同拎到既經驗亦都有限,呢一點我係知道咖...我d fd都叫過好多次叫我唔好再做呢份工,係呢到我都要多謝你地既關心=]但係我真係唔捨得呢份工,其實講清楚d我唔係唔捨得呢份工,係唔捨得而家呢班同事,佢地同我以前識既人好唔同,雖然我地只係識左個幾月,但係因為係一齊做野,日日都見住,所以有種好特別既感覺,而家仲剩返1個月既時間就開學啦...到時走個陣既情境我真係唔敢諗...
過埋呢個禮拜世平就要返屯門啦...再過多個令禮拜henry又話要走啦...再遲d呀tim又話要去美國讀書...點解要咁呀?????世平其實係一個幾好既朋友來咖!!講真我幾欣賞你同埋鐘意你呢個朋友咖!!所以我地都好唔捨得你返返入屯門咖!!!至於henry我就覺得佢幾得意,做野既時候真係好認真囉,玩起上來又真係幾癲咖喎!!個次沙灘水戰真係唔夠佢來囉...最後到呀tim啦,我覺得你好犀利咖!!因為你係第一個我睇唔出你係幾時講真幾時講假既人!!!我好佩服你囉...你唔好成日都諗住會有人暗殺你先得咖,咁樣好易會痴線咖...
大家要保重啦...記住唔好唔記得有我呢個老友記呀,做得我朋友既,我一世都會記住你地咖,如果係街到見到我既話記住同我打個招呼呀~我一定會好開心咖=]=]記住啦大家=]
P.S.感謝魚腩送我去撘2A,我今次真係係架車到訓著左囉......=.=" |
| 2006 年 7 月 23 日 星期日 |
| 6人行 |
今日冇咩好講...所以講返尋日先~
尋日4點鐘就出門口啦,去到北角先至4點40分,早左好多~同魚腩,shirley一齊去佐敦,首先呀程先生放左我飛機啦~打左幾廿萬個電話俾佢都係冇開機...開心死我=]佢地同呀tim3個都有人來,所以剩返我同文輝2個係出面,開頭都唔知做乜好,跟住同iven,kelvin文輝+ken入左個所謂library既房到hea,間房真係細得離譜左d喎...仲要話係library tim...真係估你唔到......
等到差唔多10點去Spagetti House食飯,有我,shirley,魚腩,tim,文輝+george,總共6個人,d野都ok好食喎,不過d cheeze就多左少少...所以打後呢1個月都唔使指意我會再食cheeze=.="
食完同shirley,魚腩 & tim一齊去左TST到坐,咁大個都係第一次咁做ja~原來shirley都同我一樣=]哈哈~~其實我仲想試下夜晚大家一齊訓係草地or沙灘到望星星咖!!唔知幾時有呢個機會呢~好期待星期四呀而家,唔知會係點呢=]
P.S.感謝tim & shirley尋晚送我上小巴=]
仲有呀...之前唔記得左...就係感謝大家都咁關心我隻腳呀=]=]
心理測驗一個:http://www.yes.com.hk/mindgame/special/514/lovemyself/asp/default.asp
|
|
|
|
|
| |
