今日番工都唔係好累咋喎,,放工番屋企訓0左一粒中度喇,又要八點半去到沙田同康 & 文食飯喎,本來唔想去架,send 0左信息同文講話唔去,跟住佢就猛咁打黎,我次次都冇聽到,佢就send信息黎話我唔佢俾阿康小,之後佢又打黎,我就起身換衫喇,出到去差唔多九點,去到原來佢阿妹都黎0左喎,康哥好嬲呀,今晚住程惡到死呀,整到我都唔敢講野,一講野就俾佢串,好黑人憎呀佢,見到我同阿文好似唔知點咁,成日同我講話佢細妹係佢條女,問我信唔信,係唔係又點0者,都唔關我事喇,成日係度講我同阿文,又話阿文追女仔都唔識追,佢一講我就好反感,好唔想對住阿文,成日都叫我同佢一齊,好煩呀!!!!!!!!!!!!!今晚食0左四百幾蚊,呢間野d野都好好食喎,食完之後落0左去下面機鋪打0左陣機,落到去我即面黑,因為個死仔康又係度講喇頂!!!!!!!!

打到十點幾我地就行去搭火車喇,個阿康又係惡到死,叫我行快d唔好阻住佢喎,文話送我到太和,我個心係超唔想,搭車果陣我都冇咩點同阿講野,唔想對住佢,背住佢係度喊...........喊係因為唔想佢咁,我係唔會架,終於到太和喇,打俾愛溪同佢傾0左一陣再同0左豬傾,番到去成十二點幾喇,又成點先訓

心惰指數：6.3