放工番屋企換完衫出門口搭火車去"荔枝角"上普通話,等緊火車打俾kinki問佢係咪今日上,佢話d人冇同佢講話今日有得上喎,唉......有冇搞錯呀,果次條女打黎同我講完邊日邊日有得上之後仲係度4問我係咪想同kinki一齊上,我話係,佢仲話打俾佢同佢講番同我一樣0既date,呃我咁衰格今次又遲0左半個中度,去到就開始又係讀讀讀,好無聊好悶呀,今次好鬼死難讀呀,之後差唔多完0既時候我地就用普通話傾計,都講0左好多野,我發覺得我一個0既時候我係敢出多d聲架,有幾個就唔敢><

放0左後去旺角行黎行去諗緊去邊間剪頭好,最後都係去0左"新偶像"剪,洗頭果陣我同個女人猛咁傾計,佢話好多人剪完之後都會介紹好多fd黎剪,仲話好多人話佢地剪得好好喎,我就覺得個師傅都唔識剪頭髮0既,對住我d頭髮係咁剪係咁剪,好似亂剪一通咁,剪完之後後面係幾好0既,佢幫我拉直0左,不過前面太薄喇,一d都唔好睇呀,整到我塊面肥到死,個女人仲話幾好睇添梗係喇,係出自佢地髮型師剪架喎,梗話好架喇,走果陣好冇心機呀,太樣衰冇面見人喇,真係好怪好怪呀,好唔開心咁番屋企

p.s 就算d頭髮長0左我都唔會再番去剪架,d技術又唔好,我會去番"翠坪"剪囉,因為果間係剪得最好睇架

心惰指數：5.8