八月十二日　　　星期五　　　陰

　　好悶 ! 又心煩 ! 雖然每天都好像無事好做，但我依然好擔心那些未完成的暑期功課，因為暑期快要結束了 !
　　我經常都只是得個「講」字，話自己一定要下定決心，把暑期功課全部做完，但好可惜，我得個「講」字，遲遲也不動手，真是覺得自己十分無奈 !
　　無辦法，我只好辟自己，不給自己看電視，上網 ...... 不管怎樣也好，始終都要完成它們，倒不如早點兒動手，所以我在每天的「朝十晚十」( 中途當然會休息啦 ! ) 勤勞地做暑期功課!

八月六日　　　星期六　　　晴

　　今天依然都是那麼熱，弄得我整天渾身都是汗水，很不舒服，我希望這些酷熱的天氣快點兒過去。
　　今天依然都是無所事事，整天好像呆呆滯滯，又不想做暑期功課，一想著那些英文，我就很想 ...... ( 都係唔講好過講 !! )
　　日記都不是很想再打，因為沒有什麼特別的事情發生，真是感到十分無奈！
　　好啦！我都要「午睡」啦，下次再打過，拜拜 lu ~

七月三十日　　　星期六　　　雨

　　唉！近日好慘呀！點解？咪係我發燒囉！我宜家打呢篇日記時，都係冇嘜精神炸，個頭又好暈，手腳又冇嘜力，總之係好冇精神啦！
　　今次發燒我真係好辛苦，個頭啲神經線搞到我個腦好痛，瞓又瞓唔到，又冇精神，近排我都唔想太過勞動，廢是又搞到自己咁辛苦！