七月二十四日　　　星期日　　　晴

　　今日已經係書展 ge 第四日啦，我今日就去左書展，果度真係嘜書都有。
　　去到灣仔會展，果度多人到水洩不通。我估唔到去一度地方都咁辛苦。點解咁辛苦？咪係要行好多個圈囉！平時一行就去到 ga 啦，但係由於人流太多，所以果Ｄ路線有所安排，行完一個圈又一個圈，真係搵著嚟搞！
　　終於入到去啦，簡直鬆一口氣囉！入到去，首先我同我家姐去售賣簡體字 ge 中文書攤位睇下。點解我哋會去睇售賣簡體字 ge 中文書攤位？因為果Ｄ書比繁體字 ge 中文書平幾倍，所以咪去果度睇囉！
　　我哋去睇下有嘜書喏睇，行左大約半個鐘，我睇中左一本書，果本書 ge 書名係叫做電車男，呢本書真係好好睇，係講一個男仔在 ICQ 中識到一個女仔，從此開始他們 ge 戀情。
　　差唔多完場嗰陣，我哋爭取最後幾分鐘，一定要行晒全場，行呀行，見到一個攤位售賣 T-shirt , 於是我就行入去買番件，果度啲 T-shirt 真係超平，出面賣成六十幾蚊一件，呢度只係賣四十幾蚊一件，平成二十幾蚊，真係好大收獲。
　　行完啦，係時候走啦，我哋一面行，一面食著 potato chips , 真係人生一大享受！

七月二十日　　　星期三　　　晴

　　今日好開心啊！點解？咪係同老師一齊去玩囉！
　　今日嘅節目都好豐富，首先，我哋先去食嘢，嗰度啲嘢食都幾好味，尚可以接受。
　　食完嘢之後，跟住我哋去打保齡，呢個遊戲真係玩得好開心！
　　玩呢個遊戲時，我真係十分之好運。點解？咪係因為我連入兩個全中囉，你話我係咪好好彩姐！我係第一次打保齡，都算唔錯 ga 啦，老師都話我有姿勢又有實際。你唔底得我啊？冇辦法啦，邊個叫我一生出來就咁聰明呀！呵呵 ~
　　其實呢個遊戲都算幾好玩 ge , 不過如果次次我都咁幸運，我怕被人妒忌就唔好啦，都係適可而止好Ｄ ~
　　講到呢度，口水都乾，都係飲番杯水先，再再見見啦！

七月十六日　　　星期六　　　晴

　　唉！我最近心煩氣躁，有好多嘢要擔心及想不通 ~
　　我唔知點解，我考入到一間 Band 1 中學，應該感到開心至係嘛！但係，我反而覺得唔開心，這是因為 ......
　　我入到嗰間中學 － Ying Wa College , 入去讀嗰 D 學生，差不多全部都是「有錢仔」，而我又唔係好有錢，因此增加我 ge 負擔及壓力。
　　我註冊當天，估唔到第一日「上學」就要交差不多成千蚊，我想到這兒，就不知日後的日子怎麼度過（每日都要交咁多錢）......
　　算啦！既然避都冇得避，只好聽天由命啦，希望上帝能夠俾到我快樂和好的日子過活 ~
　　講到呢度，係時候講再見，希望大家唔好好似我咁樣啦！