今日無乜特別，7：30a.m.出門，就咁返到學校。

        跟住都冇特別，Lunch果時，周生話帶我地去食好嘢，點知…原來去七十一，救命…買咗杯思樂冰，之後去M記買咗個飽食，跟住…跑返保一練choir…下晝，地理要派卷，唉！都考得唔差！到咗中史堂，又派卷！中史雖然合格…但唔係太好…放學後，嘩！吳「屎」楓拎住部「生滋」電話偷拍Jeffrey…同Rainbow一齊果陣…最後被發現，吳「屎」楓被湊！佢地仲以為我係同謀…跟住咪行上慈北總站搭3M囉，嘩！A班果個陳浚傑捷足先登，我同1D留級生啱啱趕到…陳浚傑係咁玩電鐘，玩到上癮…司機終於响慈正邨正康樓嗰個站話：「細路，咁鍾意玩不如返屋企先玩！」雖然鬧得好激烈，但都唔及姚俊偉…姚俊偉响德愛到上車，佢用小童八達通，司機就用中指指住佢，話：「細路，你幾多歲？」佢答：「11歲…」司機話：「學生證！」佢答：「我冇帶…」司機話：「學校電話！」佢答：「我唔知！」司機拎咗部手機出嚟，話：「細路，你一係落車，唔係就打999捉雞賊！」司機仲拎埋張紙出嚟懶有型…救命！諗返起，潘記真係好好人！！！

IQ挑戰站 →以後每次都有，敬請留意！

第一次見面，當然出D簡單D先…問題：十個太陽。(猜一字)

※答案將於下篇日記公佈