一向自問理性(冷血!?)既我今日明白到，再理性既人都有感性既一刻，可能唔係一件咩大事，但只要觸動心靈就可以了。
尋晚同waiwai icq，佢話桃桃睇碟睇到喊，我即刻就話佢白痴，我係呢度講對唔住，因為我今日終於知道感動係咩一回事。
今日又係無聊既一日，3點幾果陣打機打到悶，出左廳睇電視，岩岩開始做"do ra me"，原來係最後一集。記得好似幾年前無線就已經有呢套野播，當時睇幾新鮮，叫做有d特別，由一開始3個小女孩講到4個，再之後仲湊埋仔添，後來再加多個女仔，bb都變埋大人，淨係睇佢可以出咁多輯就知佢幾受歡迎。我冇好似追電視咁追呢套卡通，但係呢幾年無線播完又播，想唔知佢講咩都幾難。
講番今日先，一睇到個題目就知係大結局，睇落原來係dorame佢地小學畢業，畢業之後六個女主角都要分開，番番魔界既，出國既，跟父母搬走既，做明星既，就連留低既都讀唔同中學。dorame因為唔想同大家分開而困自己係"魔法堂"(大家應該知卦!?)，唔去畢業典禮。跟住係其他女主角黎勸佢，最後成班小學同學都黎左，差唔多逐個講晒野dorame先被小花(都應該知la!?)迫出黎，最後大家都開開心心咁畢業，各奔前程。
由其他女主角黎到魔法堂開始我就已經有d感動，心頭有一種唔識形容既感覺，d淚腺開始有反應，眼濕濕，直到成班黎晒逐個講果陣，我對眼終於裝唔晒d眼淚，流左出黎，雖然總共都只係幾滴，但佢真係感動到我。令我睇到流眼淚既卡通呢套係第一套，我好希望會有第二套，因為我愛上呢種感動既感覺了。
當日想睇"極地雪犬"就係想搵呢種感覺，估唔到冇睇到套戲反而係屋企搵到。
聽日就係會考英文既大日子，我地之中好似得東勝要考，雖然佢應該唔會睇我呢塊板，但係都祝佢好運!!!加油!!!當然我更加緊張既係美楠，聽朝我會去同佢打氣，已經約左佢食早餐，要6點左右起身，而家正考慮緊訓唔訓好............
| 
