咩都唔駛講，今日嬴波!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
呢埸波實在好精彩，我真係好想詳詳細細咁寫晒佢出黎，不過而家部機唔係好穩定，我怕一間打左2000字先hang機，所以被d時間我用word打左先，一間我一定會po上黎，不過到時大家可能都訓左，為免大家以為我冇左件事，所以就有呢段文字出現la~等多陣la大家~~
好la，終於都打好la，而家po上黎被大家睇。
我地搭61x出去，落左車仲要搵勁耐先到體育館，個場仲要殘到不堪
 ~~其實我地今日係打1點，不過預左太多時間去搵個場，結果12點幾就到左，成班係度發呆吹水，如果唔係著住套波衫，我地一定十足一班頹廢青年~~
終於都等到開波既一刻，一開始我地可能仲未站穩陣腳，被人領先我地4比0，不過就係因為咁我地先有野睇，馬仔發威la~一個左手上籃加上對方犯規︰And1!!!呢樣野馬仔係開波之前已經話左要做，估唔到一開波就出現，個罰球佢當然唔會錯過，穿針了事。之後對手打左d咩攻勢我完全唔記得，記黎都無謂，因為呢個時候馬仔就射出左一個清脆既三分球，應聲入網，穿針！！！我係呢個時候已經大嗌出黎︰馬仔，第一節你既~~仍然唔記得對手做過d咩，不過都唔駛理，因為馬仔出手la，上籃既一刻被侵犯，馬仔成個人被撞跌，不過佢依然射出左呢球，就睇佢緊握拳頭呢個動作，我地就知道呢球既結果只會係另一個And1。仍然唔睇對面，馬仔今次係兩人夾擊下起跳，根據佢既特訓，呢d簡直同"數分"冇分別~~球證吹雞，第一節完，馬仔就係咁神話地做出呢個單節雙位數(11)得分既成績，而且仲係包辦我地隊第一節既得分。
以上雖然有d誇，但都絕對係事實，今日既馬仔絕對係銳不可當~~講番場波，第二節開始阿康打番，係一輪接一輪既攻勢下先後射入兩球，為自己寫下4分既進帳
 。之後一球由et一手包辦，籃板、運球、突破、最後左手上籃，一個美妙既攻勢。雖然事後佢自己都話係對手開條路被佢鏟，不過呢球真係幾靚，上籃既動作都好靚，冇得挑剔
 。之後再由阿康操刀，一個jump shoot，一個偷球，一個快攻上籃，咁就4分，就係咁樣做左一個8比0既攻勢，即係話我地連取8分，而對方就1分都囉唔到!!!!逼使到佢地叫暫停，我地當然開心，但係阿康開波前已經講過，我地就算嬴梗都唔可以死守，一定要狂攻，所以我地之後既攻勢依然係一浪接一浪。暫停似乎對佢地冇咩用，一出黎就被laulau偷球，跟住就係laulau既快攻出現la，快如閃電既上籃根本上冇人追到。之後雖然被人入番一球，但係我地曾經做過呢個10比0既攻勢就係不爭既事實!!!之後我地既攻勢都冇停過，但係總係差臨門一腳，唔係，應該係”臨籃一手”先岩~~對手就一分兩分咁慢慢追上黎，一路去到第二節完我地都冇入過波la。完果陣既比數係幾多我就唔記得la，不過唔緊要，一間既分數先最重要。
第三節亦即係下半場，係我出場既時候la。開波之前都有d驚，因為射黎射去都好似冇咩手感，射波射到離行離辣。一開波就防守，我第一次犯規就出現la︰我係個人後面封佢個波，可惜封得唔正，打到手，如果唔係我實好興奮，封人我已經少，仲要比賽封人，我一定開心到爆炸~~~可惜係犯左規，仲被佢射入左一球罰球，唔抵
 ~~~之後就到我地進攻，阿sky博到對手犯規，可惜入唔到罰球，不過阿康搶到進攻籃板，仲入埋，好笑既係我同軒仔都好似攪錯左咁，明明阿康搶左我地仲回防=.=之後真係防守la，對面個pg7號仔低估左我既高度，被我封走左一個交入中路既傳球，呢球雖然出左界，但係都叫做阻止左個攻勢，睇黎我有番d態。之後進攻果陣我都盡量走位同做單擋，不過技術都係未夠純熟，好似幫唔到d咩，仲差d被人吹3秒，好彩laulau提我。戲玉黎la，一切由一個五五球開始，對手搶番個防守籃板，阿康同佢一齊捉實個波，呢個就係五五波la。阿康開底線波，唔知點解，我企果個位完全冇對手封，4個係我左邊防sky佢地，1個係我右邊防緊laulau，我都見到籃底空晒準備切入，laulau就更加好似叫command咁叫我切入，
預令係︰準備cut ar阿雞~
動令係︰cut ar雞~~~~
就係係佢既指揮下我成功咁接應阿康既傳球，係籃底射入左我7場以黎第一個入球，雖然係一個人人都射得入既位，但係我真係好開心，我終於都為球隊貢獻到兩分!!!可能冇咩人留意到，我情急之下居然用番我好多年前既動作︰屈腿射籃=.=我睇番片真係覺得好樣衰，成個春麗咁……睇番片先知原來我射完之後係27比23，我地嬴緊4分，原來我射入左拉開距離既兩分，不過果陣應該都冇人覺，大家都興奮緊~~之後對面係攻失左之後又叫左個暫停，我即刻飲番淡水回下氣先，果球真係好緊張，如果抄左我真係會唔知點算。
暫停之後我再次有起手機會，一個中距離既位置，係我出左手之後對手同我黎個”give me five”，擺到明係犯規球證居然睇唔到，不過算la，果球佢打唔打到我都應該影響唔到我射失既結果，不過我真係好想試下比賽射罰球，果種緊張唔知會係點既呢，下場如果有機會我一定要試
 ~~之後laulau搶番果球射入左。不過接住落黎就到我出錯既時候la…....錯一，防守既時候唔小心犯規，不過就唔夠狠，被對手And1左，仲要入埋個罰球，咁就係我手失左3分。錯二，接住呢個攻勢被我搶到個進攻籃板，諗住即射la，點知睇漏左則邊個人，被佢封到我應一應，好彩之後憑住衝勁救番個波傳被sky，佢不負我所託射入左，仲博到And1，之後球罰球仲穿針添，勁
~~之後就一路對攻，來回左幾轉都依然冇人入波，直到馬仔鏟左球好靚下既波先打破個僵局，而第三節亦差唔多係呢個時候結束la。比數係34比28，我地嬴6分。
之後第四節我換番廷哥出黎打，我之後都冇再落埸la，不過我都已經好滿足，今日既表現算係咁，勝在有拚勁~~唔好以為大局已定ar，籃球呢樣運動只要仲有一秒未打完都仲有無限既可能性，何況仲有一節呢？第四節通常係最緊湊既一節，亦經常係我地輸既一節，雖然我地一開始比人多6分，但係一d都唔可以鬆懈，就睇對面一黎就用罰球加籃板追番3分就知。之後既進攻經多人經手後，最後由映榮射入，亦係佢今日第一球，好似亦都係聯賽第一球，冇法la，佢出席率較低，機會自然少。入左之後大家都好興奮，之後又被人入番球，再之後阿康又以個人技術入番佢一球。
講左咁耐都好似唔見換左我出場既廷哥發威wo，唔駛擔心，佢即刻同你偷球靚波，仲順勢打快攻，可惜……之後又被人入左球，差唔多追平咁滯。之後係對手射罰球既時候有段小插曲，個冷氣機滴水攪到個場濕左，映榮居然自己囉個地拖就拖起地黎，真係有d攪笑。
再黎最值得寫既應該係馬仔再次犯規而令佢5犯離埸，佢都好唔開心，但係冇辦法，佢仲以為係打nba制六犯先離場，可惜……之後因為我地team foul夠數而頻頻送對手上罰球線，再加上我地既攻勢未能湊效，令對手反超前。就係最後20秒、對手領先兩分既時候，我地迫住打全場緊迫，令陣形散亂，對方其中一個球員係籃底居然無人看管，波好快就交到佢手上，就同我果球既位置差唔多，基本上冇可能抄，佢入左呢球我地實在難追。幸運既係佢居然甩手，連波都未囉實就被阿康偷埋，最後呢廿秒就決定左我地既勝敗la。
阿康運球上籃，抄，laulau搶板，佢射，抄左，佢自己搶番，佢傳，有人再射(實在睇唔到係邊個)，被封，個波又跌落laulau個方向，佢再搶再射，終於入la~~~最後只係有兩秒淨，已經唔夠時間被對面做任何野，就係咁，我地又要打OT。
5分鐘既加時賽又要展開，上一次我地加時太緊張輸波，今次我地好明顯沈著應戰，一路打拉鋸戰。阿康既快攻，廷哥既ab位射球同偷波之後被撞跌，laulau既罰球線起跳射球，就係呢幾球，令對手根本追唔到，我地只要控球在手就可以嬴，咁呢個重任當然係交被laulau同阿康la，佢兩個保護個球既技術係最好既。我地終於都成功左，最後阿度仲有罰球射，最終我地嬴49比44。
係嬴波呢一刻，我地真係好開心，我即時更加眼泛淚光，不過我當然冇喊，但係真係好開心、好感動。阿康因為要趕下一場比賽所以要走先，今日全靠佢同馬仔數分。之後我地一路行番去黃大仙中心都好興奮，一路就係度講頭先邊球靚，邊球正。大家開心個樣我到而家都記得，而家諗起我都有d淚水想標出黎。
好la，我打左4個幾鐘終於都打晒埸波出黎，雖然好似好傻咁，但係我真係好想記低呢埸波，一場我地打得認真快樂而嬴既波。我永遠都會記過。
| 
