今日訓到1點幾....跟住比呀媽叫醒左,話要去瑪嘉烈醫院覆診....跟住梳洗完就出門口啦...去到荔景諗住轉搭小巴啦....跟住等黎等去都無車黎....的士又有4-5個人搶住搭...最後我地等左十幾分鐘先搭到的士去...

去到瑪嘉烈...就好似以往咁去k座8樓,跟住登記左先,再跟住就去度高磅重,然後就去大堂等叫我啦...今次度高就係158cm...磅重就34.8kg...跟住叫我去8號房門外等,我咪等囉..叫我入去果陣我咪入囉..入到去...個醫生係男既,勁靚仔....

佢話我上年度高果陣係146cm,而家係158cm,一年高左12cm,話我開始緊發育喎...仲話根據我呀爸同我呀媽既遺傳估計我以後應該有169~179cm左右高!!!!聽到呢個我好想笑....試諗下..我有咁高既話禁我個樣會點!?應該個樣會幾攪野下...

之後佢就叫我訓上床...檢查我既發育情況喎...我塊面當堂紅晒....因為之前黎呢到果陣唔洗檢查嫁ma....點解而家又要呢 = =...

唉....都唔理得禁多....係唔係都要比佢檢查嫁啦 = =.... 諗黎都無用...

比佢檢查完...佢就話可以唔洗黎得禁密啦喎...半年左右再黎一次...睇下遲d個情況點喎....

之前我地就走左...去左食野....果陣真係超肚餓...因為成朝都未食過野...

之前就去行街睇波鞋(因為上次無買,呀媽話等佢放假先買)

唔知點解...呀媽睇黎睇去就只係睇d全白既波鞋...d有色既一概唔睇.....最後..就買左對全白既 -.-....之後係葵芳食埋大家樂先番屋企