因為今日無咩野寫,而尋日又無寫日記,所以就寫番尋日

尋日係我F.4第一日請假,因為要去西環果邊驗眼

朝早成朝都係係到訓教,無咩特別

因為呀婆係星期六入左黎,所以一起身就有飯食

只不過我極唔鐘意佢入黎,佢一入黎就狂係到囉嗦我,

又話我呢樣野唔倀果樣野唔食....

又話我洗左衫又唔收衫,咁多未洗既衫係洗衣機入面又唔洗...

我打機打到12點,又話我咁夜仲唔訓

話"打機日頭都有得打,洗鬼打到咁夜咩"

總之就係煩!

大佬呀...我唔食野又關佢事....我有食飯就得啦,只係食唔晒其他晒姐

我打完機果陣就會晒衫嫁啦,我d衫岩岩先洗完

我同呀媽不嬲都係洗左衫等到要著果陣先收衫黎著嫁啦,唔同人有唔同做法姐,有咩問題?

話我打機打到12點幾?我第二日又唔洗番學,打到幾多點都係我既事姐,又關你事,真係多管閒事

唉...算....講番正題先

食完飯(12點20分左右)就出門口去西環了

其實之前都有驗過嫁啦,上次驗就左眼50度近親,右眼75度近視

今次去驗完.....升左勁多

變左左眼200度近視,右眼250度近視

唉....其實我都預左嫁啦....只係無諗過升左禁多姐....

跟住就同呀媽去飲茶&shopping

直至夜晚7點幾先番到東涌

跟住去配埋眼鏡就番左屋企

眼鏡星期五先有得攞