呢幾日發生左太多事

先是邵志謙同陳志朗反面

因為陳志朗連邵志謙無番學都唔知(好耐之前)

加上當邵志謙番到去果陣陳志朗連同周權榮去"疾"佢

而周權榮又係邵志謙既仇人,

所以邵志謙連陳志朗都憎埋

其實周權榮呢個人

成日都係到"疾"人嫁啦,見怪不怪啦

但係佢有時真係好過分

有好幾次我真係好想打佢

講野都完全唔識分輕重,完全唔理人地既感受

因為我同邵志謙都好憎周權榮,

而陳志朗呢排又成日同周權榮一齊,

所以就連陳志朗都憎埋

之後冷戰左幾日

我係MSN都打埋話排斥陳志朗

跟住竟然比邵志謙罵我無聊!

話:呢d既可以攞黎玩嫁咩?係就係,唔係就唔係,係既話我就幫你"

我聽左,覺得勁好笑囉,我而家先知原來排斥一個人係可以"幫"既!好野!寫個"服"字比你

之後嬲得濟,就off左MSN

訓係張床到諗:

我係唔係一定要為左一個周權榮而去放棄一段友情先!?
我咁做對佢完全無咩影響,反而仲會對我有害!

所以,星期一番到去就同番陳志朗和解,

之前既日子,我都只會再做中間人,

因為我明白咗,

好人難做!