今天我6點就起左身,睇下洗唔洗番學.....

6點睇.....8號風球,仲宣佈左上午跟全日制學校停課

所以....無理到佢

跟住訓到10點幾,再開電視睇....

變左3號....都係唔洗番嫁啦,所以又無理佢

跟住再訓,訓到2點幾起身

變左黃雨!!

心諗:變得真係快.....

跟住就起身煮面食....食完呀媽都起左身,話同我落去食野...

跟住我咪換衫囉

呀媽話佢去東亞先,

一陣我先落去

但係去到....見到勁多人係到排隊...

由東亞門口,去到樓梯果到,再兜一個圈,再去番東亞門口出d

超瑪有成幾百人....

我行緊去.....突然覺得後面有人係到用把傘正我....

跟住我睇下後面....原來係黃億航....

佢話佢呀哥叫佢去排隊.....

跟住我就去搵呀媽,同佢分開左...

跟住一宜係到排....排....

但係其實我都唔係好知排黎有咩用既....

只係呀媽叫我排我就排...

係排緊果陣....d人話:人地話東亞可能會關門大吉....

跟住有d人又話:你地一個二個係到攞錢,本來間銀行無事都變有事啦....

而家...我先知咩事....原來排黎係攞錢既....因為人地話東亞可能會關門大吉...怕係銀行既錢無晒...所以就走去排隊....

但係佢地有冇諗過可能間銀行無事呢...又有冇諗過係有人係到亂講既呢?

d人只係掛住自己d錢,完全無諗過禁樣會把一間銀行由無事變到有事....

我意識到...呢個就係現實....

點解d人可以禁自我中心....禁自私....

但係....我意識到呢d野....唔代表我可以走....

因為係呀媽叫我排....我唔可以話走就走....

所以...就一路排...排...排...

由四點排到8點...跟住就到呀媽去排....我排左4個鐘,呀媽排左3個鐘....

結果仲未攞到錢....

話聽日呀媽放半日假去攞錢喎....