星期五係輕鬆既一天...
幾更就大清潔...
做野極少...
不過清潔o個陣震撼極大...
唔明點解d邊邊會咁鬼污糟架...
d死人千年無敵污跡又多喎...
點整都整唔走...
刷一個池足足用左成半個幾鐘有多...
手都累...
之後游左陣水...
重好特登咁游背泳腳...
諗住可以曬返好睇個心口佢...
因為而家心口同手既色差好遠...
點知游左成個鐘...
d色都好似無咩變過咁...
跟住重慘...
踢左成個幾鐘頭波...
個人踢到就黎中暑咁...
好累好累丫...
放工又無走...
因為今晚約左同文賓打邊爐...
無聊hea...
又玩桌球...
又睇書...
又吹水...
之後諗住訓陣先啦...
點知佢地玩得太大聲...
剛訓著比佢地嘈醒...
就再訓唔返...
再吹再吹...
捱得好辛苦先至捱到夜晚7點...
重慘過要我去當更...
出到佢join左siu同文虎丫哥先...
點知見到佢地...
我又呆左...
我同文虎丫哥著既衫好似...
大家都係紫色T加短褲...
佢加黑色波鞋我白色...
兩個次次都好似係兄弟裝咁出現...
上次grad都已經係咁...
今日又係...
真係好有緣丫...
長發打邊爐...
先知原來今日係唔會齊人...
兩個病左一個出trip...
無得齊人真慘...
佢地有三個黎左先...
唔知為乜要叫個麻辣黎...
個個都食唔到...
痴線...
最後要搵個經理黎搞搞佢...
無咁辣先可以整返d野食咋...
真係發覺自己愈食愈少野...
好快飽...
大部分時間都係度吹水...
吹到天昏地暗...
日月無光...
同時我地發現左...
siu三句唔埋兩句就叫人搵d野講...
成班肯定過百囉...
唔知佢食錯左咩藥...
文賓係18號生日...
同多核係同一日喎...
真係估佢唔到...
本來有人話今日會整壽包...
點知佢地太遲叫...
個師傅一早走左lu..
重邊有得買...
好可惜...
只好講一句...
生日快樂丫賓爺...!
|
