返左4日工...
開始同啲人吹得兩嘴啦...
無左肥婆係度真係正...
十字站有多兩三個人係裡面...
吹水都多啲野吹...
返工真係幾悶...
又無咩野做...
真係返工等放工...
放工等明早...
無聊...
今日放假但係要返學去畢業典禮...
一起身先睇下波...
湖人VS魔術...
我諗湖人一定實食無痴牙啦...
對面完全唔係嗰皮...
你最少3~4個打得下中鋒...
打死侯活都得啦...
一定唔似騎士輸晒個籃底...
kobe又一定係MVP...
有種無咩睇頭既感覺...
不過又好鍾意睇...XD
早啲返學去綵排攞獎...
我真真正正咁做左體操王子丫...
好野...
最後一年得到個最希望得到既獎項...
我一早覺得應該係我攞...
唔係因為我同大鄭熟...
係因為我覺得我真係做得好好...
每個動作都好流利...
又唔會好似撻生魚咁...
而且我曾經為左考試而努力咁練過架...
不過好笑既係...
我組有5個人...
我係第一名...
其餘4個有3個都係第2名...
見到都笑死我...
我諗係因為大鄭見我地咁認真會去練...
有心俾我地..."
好開心丫...
唔知係咪個SU好唔妥我地...
連續兩次講錯左我地班係另一班...
無啦啦由冠軍變亞軍...
即刻玩罷上...
佢唔係更正返...
我地幾個先至唔會理佢地丫...
校長同副校兩個又係搞屎棍...
上台校長就撩我傾計...
之後副校又幫我答晒啲野佢...
搞到我真係笑左出黎...
好奇怪囉...
由一個禮儀式笑做左真笑...
好無奈丫...
之後佢地又係度播片...
呢度先至無奈到爆...
諗住佢播相...
一定最多係siu啦...
咁多既偉照同偉論比人記錄下來...
點知佢既相唔多...
反而有一張我既好難頂...
中六我地個領袖訓練營...
要玩一個唔知咩名既信任game...
我地為左早啲玩...
男既脫晒上身黎比人睇...
之後又無著返衫...
有一張相唔知幾時有上而下影左我地...
我重要咁啱係中間...
而且嗰陣我返完救生皮膚好古銅色...
一睇就睇到我...
趣味中心...
教書式般既照片...
重要好多人都見到丫...
好...無...奈...丫...
『沒有你的日子裡...
我會更珍惜自己...
沒有我的歲月裡...
你要好好保重自己...』
呢4句大家覺得有咩含意呢...
係like早兩日sd比我...
原來我真係一個好樂觀既人黎...
我以為呢幾句代表對我有野...
但原來唔一定係...
今日同湘講嗰陣時...
佢話...
好明顯佢係對我無野啦...
沒有你的日子喎...
重唔係想完先會講既說話咩...
而且要我好好保重自己...
重唔係拒絕你既說話...
我諗下...
又真係可能咁解喎...
唔通呢啲先係佢想同我講既野...
如果唔係已經抱住左一種必死既心情...
我諗我又一定down左落黎...
時間一日一日咁過...
快啲到7月啦...
早日了結左個心願佢...
好過亂諗野...
|
