我經常都一嚿雲咁樣樣

都唔知自己做乜

聽書又係咁

聽人講野又係咁

debate緊嗰時

都係一嚿雲咁

我曾經懷疑過自己

到底係唔係一定要聽有興趣嘅野

我先唔一嚿雲?

上星期發咗次燒

高咗???????

我覺得自己矮咗多D

少咗堂VA

自畫像進度持續拖慢

一定要似自己!!!!!!!!!

今日番咗去成日

淨係執到張面

背景未有野

個身又未畫

連頭眉我都未畫俾佢

星期一如何達至7成?????

自畫尚未成功

譚仔仍需努力

頹...........

唯有星期日又番多日

第2個星期連番7日

我係唔係要講好yeah???

咁我星期一maths test點算?

真係有D當咗maths死咗==

對唔住培培

星期一2個presentations

好好玩咁啵!!!

想死的==

星期二去咗新城做錄音訪問

其實都唔係好關我事

游繩下降

我都係玩過一次咋

就俾黃sir捉咗我去做訪問

同行有一個F.2嘅小朋友

佢真係好小朋友==

佢仲要未去到就先緊張

入到去錄音室仲勁緊張

有D驚到講唔到野咁

不過某主持唔知喺邊拎咗個eggette俾佢食

佢先無咁緊張

個雞蛋仔真係有效

6點半番到學校

見到F.5最後一個放學

好多人喺咁影相

趙姑娘想我同佢一齊走

點知我喺VA室留咗一個鐘

咁就係咁先==

以上為27/3星期6打的

----------------------------------------

以下為31/3星期3打的

今日debate

coco........nut

tracy

alan

lindy

they had done a good good job!!!!!!!

especially lindy

當我擔心佢debate前一晚個頹樣時

佢做咗一個好好嘅結辯

聽到係覺得過癮的

一句到尾﹕正！

唔知準決賽會點呢?!

星期日又番多咗日去畫畫

原本番到去都係畫得勁慢

但臉上D細節搞好之後

就上底色

突然效率勁高

上好底色等乾時

仲做到份poster

之後上埋頭髮

同埋幫兔仔上輪廓

5點3就收得工

做到8成以上

哈哈

等做presntation

點知星期一做唔到我

今日先做

但無咩人睇

無咩feel

其實我都唔知點解

係因為上次debate太夜訓?

係因為今次debate有我份?

以前覺得12點係好夜

依家竟然覺得係尚早

睇呢要較吓我個鐘啦

黃小義可唔可以唔好成日將我上次發燒一直掛喺口邊?

連續3晚1點訓

第一日頹

第二日頹

第三日.......勁精神！

咩事??????

臨近放假無放假feel

又要面臨一堆功課.........

放學時撞到培培

閒聊之下

原來每日都開英文呢聽

專唔專心都會入腦

佢仲話要一邊做數一邊聽

睇英文同數學同時進步

但係我一聽野就專心唔到啦

點做數喎

分開好D

每日半至一個鐘

唔專心聽

我要做到！

不過係有效先好

我信住你一個星期先

點解我未放假

但係D日期就爆晒有野做嘅?

咁我D功課呢?

係喎係喎

本人4月30日將加入peoples

到時大家都係人仔

可以sd SMS俾我啦

知傻瓜者唯小雲也

see you in your dream-v-

好忙呀好忙呀好忙呀

其實有咩咁忙?

真係唔太明

定係有D野真係唔需要明?

話咁快就3月啦

3月啦!!!!!!!!

煒仔話我打嗰D係月記

真係幾月記

番咗學呢2個星期

發生咗都頗多事

當初以為會好難畫既第一份作品

好順利咁起好稿

仲俾人畫我個樣喺VAroom個白板度

maryboy真係多手

不過我依家又好似有上色恐懼症

對於上色呢回事

一拖再拖

係咁喺度試色

根本就無信心

不過都係要喺呢2個星期搞掂佢

無得拖啦

drama戲劇節唔關我事

不過我哋F4嗰班又參加咗另一個比賽

星期日去咗比賽

係講歧視的

明明要比賽

但係大家都唔係咁着緊咁

個個都搞緊辯論D野

到咗星期4先

煒仔先隔硬打咗份劇本出呢

但係份野又打得唔係咁好

係咁俾我哋插

真係好對唔住煒仔嘅好意同着緊

到咗星期6

真係呢真啦

雖然唔太情願早起

但真係死到臨頭啦

同煒仔去食早餐

發現好多人都喺我哋食早餐時先起

即係將會有好多人遲到

點知得偉倫同學好準時咁番到去

真係想笑死我哋

平時我哋準時佢又遲到

差唔多十點全部人仔番晒咁上下

喺canteen傾劇本

將煒仔個傑作消滅咗

作咗一個新劇本

無任何室可以俾我哋用

之後我哋直接喺canteen度排

好快就排好齣劇

不過煒仔嗰part差D

成班人無食野番咗呢

結果係喺咁嗌肚餓

於是唔理煒仔嗰part住

去咗食晏先

依dramaclub嘅常用方法

抽中咗我同煒仔朝早食過嘅野

呢2個星期都唔好再食m記

成班食飽飽之後

吹水吹咗好耐先番番學校

點知番到學校

煒仔仲係未搞掂佢嗰part

之後又成班人圍埋吹水

呢個就係drama嘅特色

煒仔終於搞掂啦

好快就正經開始排

排咗都好似無十次就話排完

跟住又成班人圍埋吹水

哈哈

成日番去吹水仲多過排劇

腦定得很

最後

星期日嘅結果係

我哋拎咗第2名

話晒都係學校搞嘅比賽

第2名啱啱好

話晒都只係排咗一日

又唔會俾人話做馬

最開心係每人分到$100

哈哈哈哈

真忙定假忙呀?

做咩會做野做到2點半?

咩事呀我

辯論呀

好快我會害死全班

請別誤會

我唔係M1人

我比任何人都討厭數學!!!

我d頭髮就快無晒啦

煒仔

係唔係你請我食再生髮先?

唔好再彈我啦

彈到我D細胞都就快死晒

2012好快到啦

忽冷忽熱

冬季轉夏季再轉冬季

見到煒仔好壯

但佢病緊

為咗今晚我可以早D訓上牀

have a nice dream

唔好再過1點訓

我要收手啦

電腦

暫時拜拜先

我心愛嘅茶

我討厭嘅數

我呢啦

多謝你嘅一句說話-v-

神奇呢

當時唔知咩事咁簽咗個名

今日就拎咗個獎

其實真係唔知發生咩事

你問我點解會攞

我係答唔到你

收到6枝花花

早會派時一枝都收唔到

原來魚魚幫我拎咗

番班隊時無啦啦俾番我==

又一件神奇的事

開始懷疑我係唔係都係喺青山走出呢

發現自己癲癲得得

會無啦啦突然好開心

之後又無野

都唔知自己咩事

同玉兔,心2,Y大2打完beeno之後嗰日

即係家長日

淨係食咗午餐

晚餐時間拎咗去昏睡

就快俾媽媽鬧死

我無刻意唔食野囉

做咩你哋要話我似miss梁?

似咩???

tiptip"你D音好正,好似miss梁"

某"你哋D語氣好似,講野一樣咁"

某"執陰好似,miss梁好似短D"

之後仲有一堆==

drama人話過我似miss梁

之後到tiptip佢哋

再到我隔離嗰個

真係有咁似咩?????

maths第9課測驗得16分

神奇

就睇培培係唔係計少我10分

培培見卷得16分

道"嘩,你搞咩呢呀?!"

我"我點知咩事"

培"咦,,,唔係喎,呢度應該有16喎"

我斜視培培

培培一邊加番12分一邊

道"呀sir近排太忙,好多野要做,計錯數好正常"

我繼續斜視培培

培"呀sir老啦"

咩事呀

計少咗我咁多分仲咁多野講==

仲有

佢唔係計錯數

係睇漏題

某日上上吓堂

同隔離嗰個傾計

之後佢無啦啦話

"你好似小丸子"

我作滴汗狀態

"點解呀???"

"唔知呀,總之你個feel就好似啦"

今日放學撞到培培走人

我同佢講"拜拜"

佢同我講"新年快樂,加油呀"

我好無奈咁望住佢

之後佢望住我話

"你做咩成個小丸子咁呀??"

"小丸子?????"

"係呀,,你好似小丸子咁個頭有3條直線...."

.....................................

咩事呀

我做咩似咁多野?!?!?!?!?!?

我淨係知今個假可以唔洗放

功課多到嘔緊白泡......"

又要番鄉下

睇呢閱讀報告都係要喺鄉下做==

要諗諗玉兔有D咩古力係無食過

多謝子人妹同匿名人嘅花花

新年快樂

如果

我認為是對的

就真的是對的?

這可能是對的

這將會是對的

並過去

eyeless

如果沒有如果

人　還能幻想嗎?

代入角色

做到嗎?

沒有幻想能力

不是　人

breath hardly

但所有如果　都沒有如果

the result is ______ ?

continue

做功課是令人鬱悶的事

溫習更是

考期快到

真是歲月不留人

鬱悶的心逃不出家中的大門

悶?

人在家中

心在街中

留不了就是留不了

勉強的留下也沒意思

最後都是勉強的待在家

人家就是想去玩嘛

對着電腦就是沒意思

又不是活生生的人

整天在家不說話也能談出個天

口部不需要運動嗎?

把口封了

你算是人嗎?

我在說你

就是你

不過也沒大關連

你要封便封

愛封就封

要不都把所有口封掉

口不動手不動

你也得閒着幾口氣幾分力暖胃

免得過不了這個不寒的寒冬

就此.