28/7
28 號(星期五) 一放學 ... 就即刻返屋企 ... 攞埋 d 野同小悠入大嶼山玩嚕 ...
呵... 一見到佢... 兩個都係性感小背心  ... 跟住塔十二點半班船啦 ...
入到去, 放低 d 野... 抖左陣 ...就落左7仔食杯面嚕...懶懶  "... 摟住小悠瞓好舒服啊 ...
29/7
第二日 ... 都仲係落住毛毛細雨 ... 所以無租單車 ...  今日我地都係無乜出街... 留係屋企打太鼓 (小悠太鼓愈來愈勁呢 !) ... 但都有出去買餸 ge ...
煮左幾味, 菜心抄牛肉 , 仲有煎蜜糖雞翼仔同埋雞旦"~ 哈哈 ...!  點乜知 ... 夜晚又肚餓豬播 ... 再整多兩個公仔面先 !!
30/7
第三日... 好天 d 喇 ... 就出左去租單車 ...
同小悠踩單車好 SweEt 啊 !
我地又去左沙灘玩 ... 又影左好多相相 ... 好多 SweEt MemOrY 唷 !
我地玩左推沙沙 , 沖浪浪 ... 由下晝玩到太陽落山... 好玩唷  ~~ 呵呵 ... 不過我地都無偷懶架 ... 玩之前都已經買左餸 ... 又整左啫喱仔 ...
玩完返去就有得食嚕 !!
尋日就小悠煮野食啦, 今日到我做大廚 ... 抄番兩味撚手野食...
就係撚手豉油王炒豬頸肉腸仔旦絲烏冬 ... 簡單 d 講就即係抄烏冬 ...
但係千祈唔好睇少佢啊 ... 係我第一次自己抄比人食...
... d 豬頸肉"葉"左 ... 入晒味 ... 正 !
仲有仲有 ... 我有次序咁落d 野食 ge ..
先炒豬頸肉 (難熟 d 嘛...) 然後落烏冬 ...之後再落腸仔 ...
等 d 野可以全部都熟晒又唔駛炒到咁老 ...
我仲要加左 d 旦絲係面做裝飾...
最後加多兩塊叉燒做餸... yumY"~  色、香、味俱全 !!
我係咪好叻呢 ^^"~...
仲有仲有仲有... d 野炒熟晒架 ...!
唔會好似《美女廚房》咁... 未熟就比人食 ...
之後甜品就係啫喱仔喇 ...
31/7
第四日... 同小悠踩下單車 ...
咁啦, 同小悠踩左上山播 ...
之後見到有條路上啦 ... 點知就有 d 黑牛係度擋住條路 ...
(當時有3隻牛, 一隻擋路,兩隻係草推度食草...)
小悠就話, 調頭喇 ...我就話唔好啦 ...
之後就係度扮聲 ..." 唔..唔... 唔!! ..." 好惡咁啦 , 諗住凶走 d 牛牛 ...
哈... 點知 d 牛又真係比我凶走左播... 我就好醒咁同小悠講 ... "得喇, 我凶走左 d 牛, 繼續行喇 !! Go Go GO!"
點知... 我地行上左小小之後...發覺唔對路喇... 3隻黑牛都出晒路面... 向我地個方向行緊...
唉 ... 原來 d 牛玩我 ... 扮比我凶走之後引我落陷阱 ... 等我走唔到 ...  跟住 d 牛係咁行過黎, 愈黎愈近 ... 我就叫小悠係咁向後走 ...  情況都不知幾危急 ... 你諗下... 一隻牛都已經好大力...
而家有三隻牛播 ...  心諗... 今次 pk 喇 ... 唔通要我引開 d 牛, 比小悠走 ?
點知... 突然有個人係後面踩單車行過, 佢行小路避開晒 d 牛牛...
我地就即刻醒水喇 ... 跟住佢條小路以時速一百公里咁橫過 d 牛...
呼 ... 好彩無事 ...  呢件事之後, 攪到我個晚無食牛肉...  離開左險地之後... 就繼續踩單車, 之後去買餸...
返屋企煮豉油王豬頸肉腸仔枝竹炒公仔面 ... 簡單 d 講就即係炒公仔面啦...
無錯... 又係豉油王 ... 又係豬頸肉 ... 又係腸仔 ... 又係炒. ..
無計啦 ... 兩個都唔係好叻煮野食 ... 又食剩 d 豬頸肉同腸仔播 ...
不過有樣野就奇怪左 d ge ...無端端點解會有枝竹 ge??
因為我想食 ... 其實原來諗住整兩味 ge ...
豉油王腸仔炒公仔面 加埋 呢個 枝竹爆豬頸肉 ...
點知我就縑煩 ... 整少 d 攪到個餸咁怪咁 ... ""  食完野, 睇埋電視(其實小悠日日都追架... ) ... 洗埋碗仔 ... 就落去踩單車嚕 (聽日還車 ... 3日2夜 $30 一架 ... 抵玩 !)
踩左成個幾兩個中, 踩到小您攰晒 ... 哈哈...
同小您玩鬥快... 讓佢三十秒  "~... 踩呀踩 , 係碼頭附近條路行左幾個圈 ... 爽爆 !
跟住就返屋企同小悠練太鼓...
其實小悠日日都係度進步中 ... 愈黎愈勁 ... 叻豬 !  練到成二點半 ...
經過呢幾日 ge 苦練之下, 小悠已經可以打到 叮噹 ge 鬼 mode ...
夏祭同埋天國地獄 ge 機 mode 嚕...
一般樹 mode 都難唔到小悠 ... 叻豬 !!
我地約好左 , 番出去之後去機鋪屈機 "
1/8
到左第五日... 朝早還完車之後... 去買左個牛肉飯同排骨飯 (小悠至愛) ... 之後我老豆佢地就入左黎喇...
跟住大家一齊執屋, 搬野 ...
執左成個下晝 ...
跟著就大家一齊塔船出番去市區喇...
之後就去左紫荊酒樓食石斑、芝士雞、元貝、排骨飯(又係小悠至愛出場 ge 時間 ^^)等等...
食到飽飽就返屋企 ... ( 酒樓 d 野好味過自己煮 . _ ." ... 不過自己煮好有 hOme 味 ! ... 好 SweEt ! )
返到去同小悠練左陣太鼓 ... 跟著就瞓嚕 ...
攪好鬧鐘 ... 聽朝八點起身 !!
開始掛住小悠 ... 唔想小悠返屋企....  ... ...
2/8 ...
待續 ... 今日有 d 頭痛... 聽日先寫  ...
d 相唔加嚕 ... 好多張 ... 要就去 msn space 睇啦 
|
