今天是小學，荃灣葵涌公立學校的聚餐，而且是結業前的最後一餐，所以我稱之最後的晚餐。
本來打算回校觀看最後一次的畢業禮，但是自己記錯時間。發現的時候已經差不多四點了，所以自己也覺得可惜。之後約埋虎彪係學校後門等，但係遲到，不過出黎玩姐，無所謂喇!!
到了門口，第一時間的念頭就是影相，因為知到今天唔影，他日就再無機會。好彩入去的時候影定幾張，如果不是就無得影>.<因為上到去，除了和校長、謝老師和2位曾經任教的老師影了些相，之後就只是顧吹水，沒有再影了。之後睇相，一些子學多年的相片。看見很多張同屆同學的相片，但是有我份的只是廖廖數張，不，應該講直頭少得可憐。有什麼可能3年半光暗只得果一、兩張相，果一刻真是有些失落的感覺，我唸都係時候要影多d相，如果唔係，以我咁差的記性，到以後再大d一定好多野都會唔記得。所以以後一定要影多，影多，影多d!!!
時間過得好快，突然校長開咪，以為有咩事。要所有人係門口集合，原來是攞NUMBER，一會兒抽獎時用的。是日number是401!!!
之後就各自入席。呵呵，同屆的有7人出席。而kelly就一家3姊妹黎捧場。利害，講起先記返，原來我地果屆有好多細佬妹係度讀書。有個邊的細佬喇、有個邊個的細妹喇、又有邊個的邊個喎。哈哈哈，難得!!
18xx，開餐，之前當然要同佢影返張相喇。如果唔係一陣果個樣邊出得街ga!!
哈哈哈，9個人。差少少就可以包一圍。大家翻箱倒篋地食呀食，食呀食。但係盤野都好似無咩點變過，都係大大盤。但係食到最後都係要舉手投降。果盤野無話11個人(有兩個其他人)，20個都食唔晒。如果我係屋企，我唸食一個星期都食唔晒。十分無奈。食到差不多2000，開始抽獎。9個人，中了兩份獎，算係咁喇!!之後自己再抽多次。Kelly個細妹同虎彪中獎，但係虎彪屋企的電動牙刷多到兩隻手都用晒，所以再黎多轉。呵呵kelly個細細妹中埋。勁喇，兩姊妹包晒!!又真係幾過引。
之後唸著走，影埋最後果張相ge喇!!
點知臨走前都中多份。之後6個人去了荃灣唱k，第一次6個人坐一架的士。去到，好多歌都唔識，因為近期聽日文歌。連一d唸住舊到無得再舊ge歌，都跟唔切歌詞，Oh~~NO。是次再次發現，張學友的歌同我比較有緣。之後又經歷人生的第一次，第一次唱k比查牌，無奈。之後唱到第二日的0015走人。
好想在今個暑假完之前黎一次多人的小學聚會，好想在工作之前可以和這班相識11年的好友去一次旅行。唉，各人都有自己的生活圈子，自己的工作，遲些就有自己的家庭。可能那些聚會的機會只會越來越難少。人就是這樣，有得，自然會有失。所以只可以珍貴每一次機會。因為每一次機會都是唯一的。
|
