今天約了Ricky，去他家聚一聚。1449去到。但係係大堂比個姐姐問咗幾句，佢問我搵邊戶同戶主姓咩。我係答佢果一刻，突然一片空白，dead咗一秒。最後都答到。上到去，我竟是第一個到。太開心了，之後就看Ricky的妹妹打機。因為人未到整。跟住好自己屋企咁去雪櫃攞野飲。順手攞咗一支檸檬茶，誰知順手攞到的是一支無吸管的，無奈。 

之後，呀紫同琦琦都到了，他們倆是11359F，即隔離班的同學。嘩~~Ricky果然相識滿天下!!今天比我見到喇~見到有人食雞翼要去skin。唉，唔怪之得我減極都減唔到喇!!之後有得食沙律。Aunt整的沙律真係無得頂!!都可惜之前食有野在先，所以食唔到太多野。 

食飽飽，當然少不了今天的主要活動喇，哈哈哈，打馬吊!! Ricky一開始就坐了一個風水到無得再風水，因為佢打極都無得食。唔通真係肥安果句，舒舒服服，輸到你服?!?!而我的上家琦琦就勁囉。話就話唔識打，當然開始的時候，佢又真係唔係好識打ge。但係之後越打越勁。真係食到你唔信。我就叫做食過一兩次咁喇。好彩今日唔係講錢!!

唔知幾點，肥安都上埋黎，佢又真係搞笑，昨天落到咩咁佢就無帶雨傘，今天帶就風和日麗。好無奈呢!!之後到佢落場，佢坐Ricky果個位。又係無咩得食。如果黎真，果個位真係要小心唸過所好坐落去。但係世時又無絕對，打到1745我就唔打了，因為一陣要去荃灣上堂。就到Ricky坐我個位。Ricky一坐落，肥安就有得食，呢d咁地利不足，人和補救lo!!之後又食了一輪雞翼先走，足足食咗半打。哈哈哈，咁食法，邊食有得瘦呀!!食果時，不忘睇下琦琦手牌，嘩，佢呀。有心玩野ge，十三厶都有可能食到，東南西北中發白，齊晒。 

1815，嘩，睇到過晒時間。之後坐43C，好在交通都算方便，一程就到。但係都遲咗5分點。連續兩堂遲到了。今堂教ge野唔算難，都係字生多些。但是對答案時就錯很多，因為只係用了10分鐘完成的。上上上，好快又落堂，咁就上完第4堂了。時間真係過好快呀!!!係太快了。 

之後又要飛車落石蔭，因為主席急call。敢屈我地主席，真係聽到我火到黎，而且見到大家委員咁齊心，果一刻真係覺得自己一年前的決定是沒有錯的。也慶幸有一個咁熱心的主席。但是，聽了這個遊戲的玩法，感到十分無奈。對一家清潔公司的評分，竟如斯荒謬，比分越低，下一手的標書的價錢就越低，仲要係1分=5萬元。但係咁ge清潔水準，又點能夠叫我們身為全座大廈的代表評以高分呢?!?!我們也要面對居民的，就算唔係，都過唔到自己的良心。真係左右為難。不過可能日後出黎做野，更為難的事也要面對。 

2300累了，回家。