今日上堂果時派番哂啲簿同埋獎頊,仲有畢業證書。
望住張畢業證書,我諗:難道讀左六年書,得倒既就只係尼張「紙」?
唔係,我得倒仲有大家既友誼,仲有好多既回憶。
一諗到尼度,我又有啲想喊......
放學又要留校練司儀呀......
我地都未食野,就尼餓扁喇><
好彩miss孫係老師大食會度拎左啲食物俾我地ja~
我地係G01室練左陣,有一個小妹妹入左尼,佢叫小愉。
我地係度發左陣癲,同小愉傾計果時仲俾佢串我地。(miss孫去左開會)
佢得三年班咋bow,咁快就識串人......e+啲細路......唉......
小愉仲俾燒雞電倒,係度發姣
燒雞對「桃花眼」真係害人不淺喇......(好彩我係絕緣體)
留完校我就係屋企練左陣笛同琴,之後就去學琴喇~
因為今日學琴遲左,又遲左放,搞到我又要拿拿聲番屋企執野換衫,然後飛奔去牛柏柏屋企。
因為太急趕既問題,我......拎錯笛......然後又要呀哥拎俾我><
跟住劉姨姨請左我食啲包,因為我未食野......
跟住我地就去左嘉蜜唐參加「蝴蝶灣畔樂悠揚音樂晚會」。
牛柏柏係表演之前唔舒服,所以我要同佢調轉表演次序。
都幾好彩,今次表演都幾順利,又有一個好nice既靚女姐姐幫我手~仲俾人讚tim~(其實係吹錯左啲><)
成個表演啲節目都唔錯,只係啲中樂團吹笛子啲人太少,唔夠聲。(唔通e+真係冇人學笛!?)
我最中2人地歌唱果part~我中2聽人唱歌丫嘛~^^
~~~~~~~~~~~~~~~~~~~~~~~~~~~~題外話
其實我想去牛柏柏既屋企參觀好耐架喇!
我發覺佢屋企好整潔,又大,又有一個超級無敵大海景。
佢屋企真係好正呀!如果我屋企好似佢屋企咁就好喇>< | 
