放學去左踢波，

由４點踢到７點，

踢緊波果陣，見到一班人係度睇我地踢波，

包括有２朗，樂，龍，傑，坤等…

我入左三球呀，但係隻腳俾人掃，超痛呀！！

跟住去左食飯，食完去左公園練下波，傾下計咁，

十點幾番到屋企，

有人係度整緊我部電腦呀，

正，我阿爸話幫我部電腦加ＲＡＭ呀！

十二點就訓了！

放左學之後要做閱讀理解，

做完之後同興，雞昌去唱Ｋ，

我唱自己首飲歌【就是愛你】，

唱得唔好，

跟住同興唱我地既飲歌【你那麼愛他】，

你那麼愛他，為什麼不把他留下，

為什麼不說心裡話，你深愛他，這是每個人都知道啊！

傻左添，冇啦啦唱左出黎！

唱完就走ｌｕ．．． 

今日番學遲到，

之後就好辛苦咁上堂，

又ｐｈｙｓｉｃｓ又英文仲要有ｂｉｏ，

去到最尾果兩堂ｃｈｅｍ，

勁辛苦咁捱埋佢，

直到落堂的時候，

阿ｓｉｒ簽名之後，

我監管就完了，

放左學執完野之後，

就去球場啦， 

我係學校門口講電話，

俾黎ｓｉｒ話我添，

之後過完條馬路就衝落去球場，

換完衫之後就踢波，

個新波好彈呀，超難踢呀！

但係我都入左三球牙！

跟住之後都冇入個波啦，

去到６點，興哥抽筋，

咁就行左去林士德睇比賽，

睇完之後就番去再踢過，

踢到７點幾差５多８點，

就去左ＦＵＮＮＥＴ打信長，

打到９點幾度，興同左麟走先，

我地剩番５個同人地５個打，

發覺自己用真田昌幸好廢添，

我地嬴左之後就番屋企啦，

但係我番到屋企已經十一點， 

十一點先開始食我既晚餐，好曳添！

跟住十二點度就訓了！

琴日９點幾，

豬肉叫醒左我，

問我去唔去踢波，

我就即刻起身換衫之後去左青衣水庫，

十點幾到左，同４Ｂ果ｄ人踢，踢到十二點幾，

就去左石籬搵興，

見到佢套新波衫，著得ｏｋ喎， 

行去幫左麟買左對【太極鞋】就番葵芳

兩點幾就開始踢，同興，然，昌，左麟，Ｃ豪，俊！

有一條友超煩，煩住晒，

我知我個波甩左，但係都專登撞落佢度，

我好似好衰咁添！！ 

踢到五點幾就開始抽筋啦我，

再踢多一陣，兩隻腳同時抽筋，超辛苦牙！！！

之後再踢，去打籠門，做籠都ｏｋ．．．悶喎∼

７點幾到就去左食飯，

食完飯就上左老地方－街頂！

係上面玩左陣，差唔多９點到就走ｌｕ，

番到屋企，沖過涼後，即刻開電腦－睇波，

曼聯嬴１比０呀，奧沙勁呀！

之後睇阿仙奴，睇到６０分鐘度就熄電腦啦，

訓左係張床度講電話，

超唔開心呀，我唔想再係咁呀以後， 

再諗下以前ｄ野，不久就訓了。 

今日係年初三，

朝早六點起身上去圓玄學院，

超慘呀．．

去完之後就去左飲茶，

飲到十一點度就番屋企，

訓覺訓到兩點幾，

再ｈｅａ多陣，

大約５點就出去，

去左旺角同然，雞昌，

再搵埋左麟去青衣打邊爐，

打邊爐果陣時真係笑死我地，

最遺憾的是興哥不在，

我地叫左勁多肥牛，

仲有好多好好笑既片段， 

最後唔知仲咩事個爐又有一陣怪味，

上次就爐底痴住河粉，今次就瘢住ｄ山根，

大約十一點就走啦∼