今朝十點起身，
同阿哥食完飯，
就番屋企，
三點到出去，
同興，左麟同雞昌出去荃灣買衫，
我買左條褲，雞昌又買左條褲，
之後去左ｍ記食飯，再番街頂打左陣波，
打到十點，就走ｌｕ∼
之後坐左陣，十一點就番屋企啦∼
１９／１
今日去左踢波，
我同雞昌早左兩個字就到左啦，
其他個個都遲到，豬肉仲要唔到添，
踢波踢到５點到，
我地就一齊番左街頂，
玩到差唔多７點，
就番屋企食飯，
食完飯就出去搵雞昌，興同左麟。
食完飯就去左ｏｋ食雪糕，
食完就去左公園度傾計，
一路笑一路傾，終於諗到方法啦我地！
傾到十一點幾就番屋企啦。
２０／１
十點幾起左身，
打俾雞昌，話一點去到ｏｋ等，
我一點二去到ｏｋ，
上左雞昌屋企打ＰＳ２，
打到４點幾，就開始我地既杯賽，
我雖然唔係４Ｅ，但係我嬴左個杯，
之後同李永樂打左場，
我用朗尼過左佢個籠門，仲要走入籠，
頓時全場哄動，過多陣，全部人都走晒啦，
剩番我同雞昌係雞昌屋企，
係房到傾下計，落街買下野食，
咁就十點幾，之後就番屋企啦！
１０／１，１１／１
依兩日係陸運會，
我參加左一百米同二百米，
我報左做計時員，
但係我依兩樣都入晒決賽，
都唔洗計咁濟，
我嬴左個４乘４００既銅牌，
４乘１００本身嬴到架，
但係果條友跑第一棒輸成廿米，點追呀！
攞獎之前係下面睇啦啦隊表演，個感覺ｏｋ喎！
陸運會完左之後，
就去左雞昌屋企，
ｈｅａ左陣，就同埋興，雞昌，左麟，然去左青衣打邊爐，
一開頭，我地就爭住食，佢地全部都唔夠我搶，
最後要４個搶我１個，
你地蝦我既，你們都欺負我（普通話）
跟住就係度傾計，笑到我肚痛呀！
最後我地就一齊整左依杯【冬日特飲】
食完之後就番屋企，一番到屋企沖完涼，就訓左啦！
http://www.xanga.com/josephhing2008
１２／１
劉詩豪搵我出去打信長，
我就搵埋肥駿去，
之後三點係葵芳度等，
有我，肥駿，張安琪，劉詩豪，鄺秉健同埋左麟，
我地一齊去左大窩口到打機，
打到６點幾就番屋企啦，
今晚應該做埋ｄ功課，
聽日就要做樂理，有十一版呀！
今日係３１號，
新年快樂呀！
今日我成日都幫阿媽打字，
打左幾千字到啦，打到超累，
番到屋企，沖完涼，一陣出去食自助餐，
食完之後可能玩多陣先番屋企。
※今次可能係係約人方面做得唔好，
整到有咁既事情發生，
我下次都係唔約人啦，
約人原來係會咁既！
如果今次造成既問題，
係我錯既話，我願意向你地道歉，
希望唔好再有咁既事發生啦！※
２７／１２
吃過飯後，去左我阿姨到，
佢教我樂理，去到４點鐘，
又累又眼訓，佢教左好咁耐，但係我都唔係好識，還是算吧！
之後番嚟葵芳，被人迫左去打機，又失去了二十大元！
夜晚食完飯後，我又俾人鬧，今次又要我交電話費。
２８／１２
今朝好早起身，好乖咁同阿嫲去飲茶，
吃飽飽就番到屋企，打依篇野，
而家終於開到ＭＳＮ了，琴日開極都開唔到
開到ＭＳＮ，但係個個都冇ＯＮ！
