第八日 13/7 星期一

第四課《honesty》,
做狼來了的 drama,
阿東扮狼好搞笑.

前一日聲討完自己之後,
活動既時候投入左,
放 break 都同班細路玩得好顛,
互 "吱",
同鄧家, 天佑一齊一人鬥幾個,
原來爆無雙是會扣HP的.

傍晚行 market,
聽招姑娘說了馬德望審訊的神蹟,
一個傳道人被政府官員逼迫,
幾年都生活在恐懼中,
三番四次幾乎被害死,
最後一次三個兇徒放毒氣,
結果及時揭發,
兩個走甩一個自己毒瞎自己,
在這個犯人送往馬德望審訊途中,
傳道人追上去為他祈禱,
第二天那犯人的眼就開了,
而且他成為少數可以接受審訊的人.
(通常犯人會在前往法院或拘留所被處決)
那犯人說他們原先可以早點下手的,
但教會周圍有四個彪形大漢守衛著,
所以遲了下手, 繼而失手.
傳道人卻說: 我點會有錢去請守衛? 是天使!

但後來,
不知甚麼緣故 (至少我不知道),
這位傳道人跌倒了,
差不多一年前,
他把教會所有值錢的物資都拿走了,
從此不知所蹤.

很難相信摩西會夾帶私逃, 對吧?
很難相信岳飛和秦檜是同一人吧?
事實上,
我到依家都唔知俾咩反應.
只知道,
好的見證要說,
壞的見證不能避而不談.

第九日 14/7 星期二

早上為下一天的佈道會禁食祈禱.

第五課《thanks giving》,
做十個麻風病人的 drama,
之後收到兩個學生既 thank you card, 勁開心.
因為冇食早餐,
放 break 既時候爆唔到無雙,
俾班細路蹂躪左十五分鐘.

下午圖書整理完成,
晚上帶敬拜分享,
偶然遇上的驚喜, 最美好的仗.

第十日 15/7 星期三

第六課《love family》,
做約瑟被賣 drama.

班上有一個學生,
不停流口水, 其中一隻腳有點畸形, 不能站立,
握筆也十分吃力,
是因為他母親在懷孕時想墮胎,
卻墮不成而至的.
放 break 時我的無雙爆到他座位旁邊,
意外地他也出手加入戰團, 縱然他不能離開座位.
那刻我想,
他的生命是精彩的!

下午負責物流部搬衣物,
做悶了,
與鄧家一齊扮OL遊街......
仲有第二組的型男一齊選擇左肌肉可愛路線.

據報,
Ottawa School 佈道會有 15-16 個學生信主.

第十一日 16/7 星期四

AGS 學校佈道會,
廖媽記仿耶穌行苦路釘十架,
我做兵丁擊打廖媽記,
因為是第一次看苦路的情景,
所以十分震撼.
一想起自己不是佈道會既主角,
所以唔哭得, 免得搞 odd 個場,
但忍得好辛苦.
有十多個人信主, 辛苦是值得的.

下午同 Ottawa School 既學生一齊去 picnic,
由於體力耗盡,
真的沒啥落場玩.
只是臨時加了一場浪子回頭的 drama.
阿東講見證後,
又多 5-6 個人決志.

第十二日 17/7 星期五

早上為圖書館祈禱祝福,
然後離開珠山, 去暹粒.
六個小時車程......

暹粒是遊客區,
我們參觀了民族文化村 (柬埔寨版世界之窗),
運雙落場做 海膽 show.

晚上有第二組開組,
很美妙的分享.

第十三日 18/7 星期六

吳哥窟之旅.

導遊俾我地 fake 左,
我地去食大排擋,
搞到佢冇得收高檔餐廳既 commission,
行完吳哥窟我地自己又走去食雪糕,
個導遊孤獨左成個鐘.....

第十四日 19/7 星期日

再坐六個鐘旅遊巴......
返到首都金邊.

下午去左 genocide museum,
er..........因為我讀過太多集中營的故事,
所以唔算太震撼.
反而去城郊亂葬崗有一番體會,
頭骨放在新建成的塔內, 有幾層樓高,
大坑已經沒有骸骨,
而且長出了小草嫩葉.
"落紅不是無情物, 化作春泥更護花"
哀傷之嘆, 我還是第一次去到這個境界.

第十五日 20/7 星期一

早餐, 買少少手信.

參觀左金邊聖經學院十分鐘,
然後趕住去機場了.

***

這是短宣隊的機場之歌,
也是我唱足十五日的.