我信左主.
而家公告天下.

我的見證的感動位不多,
但上帝自有祂的方法去觸動每個人的心.

我要從一開始講起,
話說我小學係讀蒙恩小學,
細細個開始就已經聽聖經故事,
小一就已經識諗主禱文,
但小學時代的我覺得,
信仰只是當人懦弱時的倚靠,
只要人夠堅強,
信仰是可有可無的,
話雖如此,
我由小二開始每晚祈禱,
求神 (如果有) 給我一些證明.

但一直都沒有"證明".

上到中學,
見到不少基督徒做了很多不好的見證,
包括我的某些親戚,
所以對基督教有點抗拒,
於是每年的學校福音周都去搗蛋,
與傳福音的同學辯論.
但我仍然每晚祈禱.

途中我遇到一個很出色的基督徒,
輝兄ar...........
由中三開始就不斷叫我返教會,
老實講, 我當時真係覺得佢有d煩,
而我有時又真係唔好意思拒絕他,
所以我會講: "有時間就返下la......"
結果當然係冇時間la.
不過我開始問,
基督教真係咁堅?
抑或好似我父母所講: "佢宗教中毒" ?
我繼續祈禱.

中五畢業營, (外話: 三叔有一個愉快回憶bor.)
有一班教會既人做組爸組媽,
大家都好熱心,
識左展鵬, 同佢同房,
雖然佢當時冇向我傳福音,
但我感受到, 教會既人好nice.
開始對教會改觀.
祈禱從未間斷.

會考,
求平安, 得著了,
第一次感受到上帝把我抱起.
放榜,
人生中第一次感受到: 有時命運不是我可以掌握的.
我求平安喜樂,
勿論成績如何,
我求的, 又得著了.
為甚麼不在那刻就信了呢?
因為我知道, 我的說話基督徒會理解,
但其他人或者會覺得:
"信仰只是當人懦弱時的倚靠".
我不想這樣,
所以我求更多經歷.

中六,
多了與人討論宗教問題
返齊 cell group,
下學期開始返教會,
大學放榜,
上帝又一次把我抱起,
還不信?
經歷未夠,
我驚上帝只是一個由我幻想出來的上帝,
而非真實的上帝,
而且我同自己講:
"我一定唔要在低潮中信主,
我唔想情緒影響左我."
所以接下來,
除了追求經歷, 還要真理.

上了大學,
真理何在的課題對我來說愈來愈重要,
因為這關乎我一生的路向.
上左大學, 好似成日都俾人話係勁人,
所以有時真係覺得自己幾勁.
但係我有一日問自己,
應該話是上帝在訓斥我,
"咁勁.....要黎做咩? 勁係為左d咩?
人生的價值何在? 價值是建基於別人的看法嗎?
為甚麼要追求榮譽?
榮譽又有何價值?"
然後我諗, 人生的方向該當如何?
耳邊又突然響起: "我就是道路, 生命, 真理."
我祈禱尋求真理.

過了大概二十日,
開始覺得我讀的科目確是令我眼界大開,
我預見到我未來將會很有才能,
我甚至開始害怕自己的才能會用在不當的地方去傷害人,
我就像一艘攻力強橫的戰艦,
但我的舵卻不見了.
耳邊又再突然響起: "我就是道路, 生命, 真理."
我又祈禱.

這兩次感動算不算是我的"低潮"時期呢?
可能算, 所以我特別小心,
重新問自己, 基督徒是信甚麼呢?
睇番使徒信經,
發覺罪與苦難其實是重要課題,
我不應忽略,
所以我又祈禱,
這次我出了兩道難題,
一題是苦難來源, (請參閱<淺談苦難>)
另一題是罪與公義, (請參閱<有問題>)
第一題因我參加大學的通識課程得以解答,
第二題.........

輝兄終於在 "機緣巧合" 之下打俾我,
提出 "遊戲規則論",
認為上帝一開始就set 好了game rudes,
信祂的就得赦免, 這是上帝的公義,
但這雖然說服到我,
我卻仍覺得這樣的game rudes 太屈機,
就是非基督徒所說的: 霸道.
即未能顯出上帝的慈愛,
我又求上帝給我一個完美的答案.

上帝答左我,
祂在第二天派了祂的一個愛將來答我,
香港中文大學崇基書院神學院 龔立人 教授,
他是那堂通識課的嘉賓,
課後我就去問他,
他答:
"耶穌是全人類的代表,
祂已經代我們死,
贖了我們的罪,
其實不論信左抑或未信,
上帝都已經因著耶穌統統赦免哂我地,
我們要做的, 只是承認上帝與我們的關係.
有很多基督徒都錯解了因信稱義的意思,
它並不是要我們信了然後認罪悔改才得赦免,
其實我們早就被赦免,
只要你肯承認上帝與你的關係就得喇.
你唔接受呢段關係, 上帝都奈你唔何,
所以上帝唔係罰人落地獄,
只係人唔肯接受救恩."

聽完之後,
覺得同浪子歸家既故事有點相似,
父親早已原諒兒子,
在家等兒子回家,
做兒子的其實叫聲 "老豆我返黎喇" 就一天光哂,
又何必繼續食豬餚?
故事中的父親並沒有叫兒子先認錯悔改才讓他進家門,
而是一早已為他開門, 天天在等他.
想到這裡,
簡直如沐春風,
今鋪想唔信都唔得喇.

所以信左.

第時我可以好自豪咁講:
"我唔係在人生低潮既時候信主以獲取心理支持,
相反,
是在我獲取成就的時候,
我信主,
因為我信上帝就係道路, 生命, 真理."

2008年11月7日凌晨於馬禮遜堂

 ***

今日係11月8日喇,
感覺極好,
特別多謝佩琦送的決志禮物,
既實用又有紀念價值,
珍貴無出其右者.

收到好多msg,
真係好開心,
多謝各位.