以巴衝突沒完沒了,
千絲萬縷的關係真是難以說清.

哈馬斯唔想繼續停火協議,
然後向以色列射火箭炮,
佢打左以色列一巴之後,
依家就俾以色列打番一千巴喇.

以色列還撃得太過火似乎有以大欺小之嫌,
但哈馬斯係咪真係抵死呢?
喺停火的一年間,
加沙地帶幾乎完全被以色列封鎖,
別說醫療物資唔夠,
連食物都唔夠,
要由埃及偷運過去.
以色列得閒既話仲派兩架戰機去加沙兜風,
實行海陸空圍城,
手痕痕既時候仲去搔擾下民居咁,
搞到加沙居民燥哂底,
哈馬斯咪上位lor.

巴勒斯坦人世居在以色列西岸一帶,
自從以色列在二次大戰後立國,
他們便變得"無家可歸", "無國可依",
只可以有自治政府,
自從阿拉法特死左之後,
情況愈來愈值得關注,
但世界各國好似又唔多想理呢件事bor,
以世界警察自居的美國都掛著伊拉克既石油,
係咪悲哀先?

呢個以惡報惡的事其實係歷史遺留的問題,
埃及人用地道運食物同軍火俾巴勒斯坦人,
搞到以巴愈打愈旺,
雖說是為了錢,
其實也有一點歷史牙齒印,
說起猶太人的歷史,
不少人會想起希特勒二戰屠殺猶太人,
但猶太人也"屠殺"過其他人,
記得嗎?

聖經出埃及記中記載著,
當年埃及法老王虐待以色列人,
摩西為帶以色列人出埃及,
與上帝"串謀"降十災並"屠殺"千千萬萬埃及人,
埃及人與以色列人的牙齒印大概由這裡開始吧,
畢竟是幾千年的怨恨,
誰對誰錯根本難以判斷,
豈是奧巴馬說一句 change 就乜事都冇?

你問我以巴衝突有咩解救?
我答: 你還是問上帝比較好.

聖經有道:
信, 望, 愛三者之中,
最powerful的,
莫過於愛.

這個世界實在太需要愛了.