先祝詩蕊生日快樂!!

再祝本公子生日快樂!!

詩蕊個電話好難打得通ar,
打左成個鐘喇,
難得有人同小弟一齊生日,
邊個霸住條線ar.......

十九歲生日,
有甚麼好慶祝呢?
為甚麼要慶祝呢?
慶祝這世上多了一個姓李既人?
我又有d咩值得其他人為我既降生而慶祝先?

所以,
今時今日既我,
會覺得生日其實係一個俾我地反思既日子.

一年前既今日,
我收到一隻金戒指,
很老土, 對嗎?
它是我爹娘送的,
他們說: 金色與圓形都對中國人獨具意義.
它背後還有一段故事.

話說我中五既時候,
因為想喺會考攞到好d既成績,
所以去左d大型補習社度補習,
我補了好幾科.
大家都知道,
補習是一項奢侈玩意,
我來自一個幸福但絕不富裕的家庭,
叫做有兩餐溫飽,
但每月千多塊補習費支出根本難以承擔.
所以全家都要節衣縮食,
我媽作為揸數人就真係頭痕lor,
見到家人咁辛苦,
都真係好過意唔去,
唯有努力d,
大壓力也不算得是甚麼.

所以我因為會考成績而攞到既獎學金,
全部俾哂我媽做家用,
無錯,
我第一份家用其實係獎學金,
去到我十八歲生日,
我同我爸媽講想要一份有意義d既禮物,
佢地就送左隻戒指俾我喇.

隻戒指既價值,
大概等於我攞黎俾家用既獎學金.
原來爹娘把我的獎學金儲起,
買了這戒指給我.

父母的愛就像金戒指一樣光明與燦爛.

我們難道不應該在生日感謝父母嗎?

感謝要用行動,
從上年既今日起,
我立志要財政獨立,
不用爹娘再為我的花費而操心,
而我做到了. (我的理財技巧可真不錯!)
而今年將進入一個新階段,
我希望把更多的事情變得獨立,
令爹娘完全不用為我擔心牽掛.

生日,
就是為生命喝采的日子!