其實今日我咪應承左你話諗下點哄返你既，但係我最後都係喊左出黎。

唉......我覺得自己好冇用，連咁都會喊，

不過我冇逃避過要諗下點哄返你，而係比煩惱、煩躁控制左我既身體，喊左出黎。

我每分每秒都有諗辦法，但係我岩岩諗到一個辦法既時候，我阿姨個仔就扔左舊野埋黎，扔中左我，

之後仲要打左我好多下，咁我咪發嬲囉，鬧左佢幾句，比佢搞搞下就唔記得左個ｉｄｅａ，

佢更離譜既係佢擅自攞左我部手機黎玩，問都冇問過我，

連一句對唔住都冇同我講，好似係我一定要借部手機比佢玩咁，搞到我好躁，

最後我連一個辦法都諗唔到，只好向你坦白。Sorry!老婆

我最近修煉緊,但係我既修煉太過殘忍la,結果搞到有副作用。

唉,唔好提啦,我最離譜既係左腳kick右腳,行樓梯又kick親,試問有邊個人想咁樣衰?冇呀!

而且我既修煉係仲繼續緊,仲要+埋阿達佢日日至少都打我兩野,咁我又點會好返呢?

再加上我冇諗過我既修煉會係正常lo,所以唔好擔心我,我會冇事既。

為左守護重要既人,我要力量

為左獲得力量,我冇其他選擇

可能係我既問題la,我送or跟蹤你返屋企果陣,我唔敢行近你,剩係敢遠遠咁望住你行上去。

唔知係唔係我感覺錯,我覺得你好似有呷祉蕊既醋。見到你愈行愈快,我都唔敢行上去,我驚你嬲左我。

我知道,你唔想見到我同其他女仔玩,但係我就不斷令你呷醋,對唔住!

我今日做左件好事,件事就係幫阿達整左d野。

• 其一,我係IT先鋒既聚會,用阿達個google sites黎學點樣搞html,之後搵日教返佢先,

不過我一定會教左你先既。仲有,我爆左陳sir既account,見到佢好似話下堂教圖表果d野,我係咪好衰呢?

但係咁先符合我既稱號———衰男,雖然阿達同阿翔都係,但係我地3個都係衰男。

• 其二,我幫阿達問左某某中2佢既人既原因,總算係我可以做既最後1件事,因為聽日(冇睇錯,係聽日,5月1號,勞動節假期),

某某人就會向佢表白啦~~~oh yes!我多日黎既努力,終於都有回報la。

本三少,在此恭祝某某人會成功,令我既好兄弟脫離"光棍"既職業,晉身為某某人既BF。

雖然本三少都係脫離左唔係好耐,都係差唔多2個月既事,但係我都仲係好多謝你鼓起勇氣向我表白,

比個機會我做你BF,所以我唔會多謝其他人,只會多謝你。

 

致某某人,

我已經厭倦左做你既軍師,仲要留意埋有冇人呷醋,之後既事,就交返比你自己啦,

希望你唔好怪我冇義氣,我只係想令你獨立少少,唔好連向佢表白呢d咁重要既野都靠其他人(仲要係男仔喎),

我最後比你既意見,緊記於心啦,絕對可以幫到你架!

 

衰男1號,三少上

 

我冇諗到,你會為左我而呷其他女仔既醋,證明你好關心我,唔想我地既感情出現問題。

不過呢,如果呷醋既話,就同我講,唔好收埋係個心到,要提我唔好再令你呷醋。

因為我既錯,令到你咁"醋",sorry呀!我唔會架la,但係就算你話冇嬲到我,我都會內疚架。

我居然連承諾都可以唔記得,唉,我真係善忘得好嚴重呀!

我知道,你地叫出黎講,係想點,但係我都係好對唔住你,係你生日既日子令你咁煩。

我會等你既懲罰既,如果有一日諗到既話,就同我講啦,我會接受一齊既懲罰架。

但係你仲係呷醋既話,咁我就做和尚,不近女色(除左你之外),睇下你仲點呷醋,哈哈!

有d咩野,就同我講la,唔好介意我既感受,我唔會喊架,所以唔駛留口,講哂出黎就ok la~

我係個好人,所以唔會因為咁就喊,更加唔會唔理你既感受,咁你就坦白d,指出我既錯處啦,我甘心接受指點(只有你既指點)。

我琴晚應承過你,我唔會再同其他女仔玩,不過前提係你唔準嬲我,

因為我琴晚都冇會sms比你,即使係樂哥勸過我幾多次我都冇回到,sorry!

雖然有例外,但係我都唔會再同d女仔玩,除左被迫要合作果d之外。

唔知你有冇發現,當我向你承諾既時候,我會用性命作為底壓,

我已經將我既生命交托左比你,所以我已經冇其他野可以重要過你lu~

~再次以我既性命為引,我向你發誓,我唔會再同其他女仔玩。~

我已經按照你既指示,對果個人品有缺憾既人作出天誅,令佢入唔到我個blog。

~Yes,My Majesty~ 

當初佢罵我既時候,我都放過佢,但係我估唔到佢既人品會有缺憾,

證明有d人對佢好係冇用既,唔打唔罵唔得,又叫被虐待狂。

唉...我呀媽今日生日lu,咁就即係代表你仲有3日就生日,

希望你會快d開心返,唔好煩惱,將d煩惱交比我,

仲有就係唔準講sorry, 連我既台詞都要搶,

至於原因係咩,你應該知道,前提係你要有check 你個blog既cm 

唔緊要,你唔想講既話,我都逼唔到你。

不過,如果你想搵人傾訴既話,你可以搵我。

你點做係你既事,冇人可以干擾到你,即使係我都唔可以。

我會接受你既命令,你叫我唔好問,我就唔會問。

~Yes,My Majesty~

唉...

今日拍完野,返到屋企之後,淨係同你傾左兩句,咁就被阿哥趕走,要比佢用。

重要既係,我又不辭而別,所以我點都要講多次sor ar~就算係比你罵都要。

我相信我對住其他人係唔會講咁多次sor既,只有你,先可以令我自願道歉。

我希望你唔會介意我不辭而別既行為,不過點樣決定都仲係你既選擇,我都甘願接受懲罰。