今日已經係我連續第三日.兩點幾先訓啦.仲要八點左右起身.再頂成日.

今日一早去左馬鞍山.勁涼勁爽.冇乜點出汁.正
4點左右走.諗著去荃灣要個幾鐘啦.點知車程都唔駛20分鐘@真係o左.
係架巴士上.欣賞馬鞍山湖江山色.哦....是多麼的優美哦
不知不覺就睡著了.醒來.看到車頭寫著.荃景圍體育館
再看一看電話.只是過了不足20分鐘.原來咁快架喎
四點半未夠.到左.行左唔知荃豐定南豐....係度教左成三年都分唔到@白痴架
食左個撈面.本來+魚蛋架.點知佢話5蚊4粒喎.都癲既..乜依家魚蛋咁貴既咩?
最後我就係覺得唔底.只係用左5蚊去買個撈面.....個面先5蚊.4粒魚蛋點黎5蚊呀..一蚊都買唔到一粒???@@
跟著又行呀行呀...見到新龍珠喎.勁靚..望一望.99蚊.冇野呀fa.果幾隻野99蚊...跟著緊係冇買啦
時間尚早.行左去新之城.望下扭蛋.依.有頭先果個喎.抽都係十蚊個咋.先得果七個.成套買一向都平d架啦.仲要貴成29蚊.都癲既
跟著我竟然換左20蚊去抽喎.諗起都肉痛.琴日因為lunch time果個茶餐廳冇位.費事等去左酒樓.埋單兩個成$102.一人一半$51
好貴呀.抽左兩個.都算好彩.中左一個超西悟飯.勁靚.本來仲有個係吸左悟飯既布歐.不過同發發換左機械菲莉 

跟著就去左武術啦.完左....又同左佢地去食飯.面棧..真係好食(thx翟鍵)
今日仲多日.有我啦.發發啦.哥啦.細佬啦.家樂啦.鐘吳彭太啦.成八個人.仲多過上次
好似呢排成日都一齊食飯...
佢地....好似開始慢慢咁取代左翟鍵個位.....
近排同翟鍵見少左...但係一見到.大家就有好多野想分享.好多野想講
跟他熟絡後.起初的感覺是.他是妹妹的代替品.但現在不是了.感覺係..佢..呀都唔知應該點寫
呀.......佢可以話係我心目中的家庭中的新成員.有咩我地都會講.因為諗返起.咁耐以黎.有咩唔開心.我都唔會同我屋企人講
就算阿妹都一樣唔會.所以他不是取代了她.而是我心目中的家庭新成員

今日發左左好多野...星期日都係遲d先寫返

2008年7月28日 星期一~愁

星期一.有人打左幾次黎叫我代堂.其實係我衰既.耐耐都唔應人.8點幾佢終於打俾我.跟著我又話唔落實到
9點幾又打黎.跟著我直頭話唔得....其實一早知.....返到屋企.再做左d手腳.令老闆覺得件事緊急...
事實.係超緊急.佢真係搵唔到人代...最後我用我既智慧解決左...

2008年7月29日 星期二~苦

到左今日.一早出門口.行左陣.覺得媽咪係度叫我.諗諗下又冇可能會.我都係街啦.佢點會叫到我
又諗一諗.原來真係少左d野.電話呀...唔返轉頭唔得啦.依家呢個年代冇電話仲麻煩過冇錢....
返到屋企拿.同媽咪講.我話好似聽到你叫我.原來唔係@不過感覺..呵
再返工.去左架車度.搵野...搵左一分鐘都唔夠就流汗...唉
揹著舊石去馬鞍山...做到12點.又要飛去火炭教.12:20就到.諗著順順利利好快到...
點知買左個包食+朱奶...12:30.搵的士坐啦....點知10分鐘都搵唔到@@痴線架.乜香港d的士咁既咩?
到左學校.好彩見到d細佬之前代堂時教過既姐.都算幫到下手......
直落一點到四點..原來一次過教兩班都幾辛苦下.始終細路唔係自己教開
四點啦.落堂.去左九龍灣食KFC.買野食時.有個阿伯拿著一盤食左九成既野.仲有件雞咬左幾淡.真係見到都想嘔
以呢個唔知廣東話定普通話還是係...我都唔知佢講緊乜話...係度同個職員嘈
話咩咩咩頭先買左隻雞.個女..乜乜..唔知up乜..冇左個xxx???(講乜呀你.老伯?)
我都企係度呆左.我d野到啦.佢汁好哂俾我.我俾錢.企左30秒..佢唔收喎.我叫個職員.冇反應...再拿著d錢係度fifi下
我話: 喂.依家係咪唔駛收錢呀?佢先呆呆地係咁講唔好意思
食到一半.心血來潮.打俾李.跟著佢話唔練喎....玩野咩.跟著多口問句.翟鍵有冇練.都有.心都安落d.唔好放棄呀細佬.我永遠支持你
再打俾黎生.佢又話唔練喎..咁我一個人練呀?@@@
5:20啦果陣時.跟著揹著兩把野.飛奔.坐車去土瓜灣練.搵林siryeah 又可以見到林sir
去到...呆.好早5:45.得一個人到左.原來九龍灣去土瓜灣係可以快到咁架@我3個站咋.連埋等車同埋行都只係15-20分鐘左右
等我仲諗著一定遲大到添...準時yeah
不過好累.5點先食lunch都未試過咁遲.開始練.跑步...有d苦.d雞係我心口上上落落.好彩之後轉下頭手腳.拉下根都成15分鐘姐
如果唔係我諗我真係嘔都似.唔知係咪太夜訓關係.今日教班時做仆步.左腳條根已經有d唔妥
到左土瓜灣練.拉完根.係咁宜踢下腳都冇事.入正題啦.正踢.踢幾野.痛痛地.都係唔好亂咁黎.再黎第二round正踢
大件事.突然左腳條根旁d肉超痛.痛到伸直隻腳都痛.睇黎超嚴重.但係林sir就係旁邊.我仲要係第一個.唯有...死頂
踢踢踢.又一個圈.跟著...唔得啦.真係痛到極點.林sir話叫一聲四腳連續左右正踢.我就聽一聲.右腳連續四野.不過都幾爽
拉左兩日根係唔同d.鬆左好多.唔駛就著就著咁踢.右腳正踢四連環.勁啦呱
不過踢踢下.連踢右腳.都整到左腳痛.....真係開始擔心...之後林ir:側踢.左腳先...淨做左腳
我...泠汗.見到我唔踢左腳都知我有事啦.點解仲要咁.我知.佢果時唔可以開口.但係...
我都係再死頂.踢呀.左腳照踢....好啦.踢哂.小息
佢慢慢同d學生行返埋牆邊...我諗...唔係掛..點解咁...問都唔問下我.
行到一半.停左...佢望著我埋黎.就問啦...(都估到.佢費事當著咁多學生面前講姐)始終都係關心我
跟著就教左我點點點左.可以快d好
8點完lu~~坐巴士.等左好耐.打俾媽咪想叫佢等埋我一齊食飯得唔得.佢既回應係....我食緊啦喎
即係點喎...?平時冇8點45都唔食啦.依家先8:10同我講話食左.人地都係想陪你食餐飯姐
結果坐巴士.成9點先返到去.開門.原來爸返左大陸.....佢一個人食飯.慘
今日又睇左好耐電視.一邊睇溏心一邊玩星之卡比.10點幾...喎..爆機喎...終於玩完.睇黎又係時候搵隻好快既新game啦
幾日都成兩點訓.今日都係早d先得.時間尚早.依家先12:19...晚安88再見
希望隻左腳快d好返