比賽終於到左.琴晚好早上床訓.但係訓極都訓唔到.諗左好多野.不過比賽只係好少既一部份
6:45am 李穎打俾我話紅雨但係我打開window.竟然係冇雨.以為發緊夢.望多次個電話.時間跳動中.現實來的
問我比賽點.我都答佢唔到.唯有叫佢等我覆
6:48am 開電腦
從來未試過咁早開電腦.打開比賽個file.原來連呢度都冇寫.我諗.咁即係點.冇耐洗成又打黎同一個問題
突然諗起,攪開比賽個會應該有寫.
中.真係有.唯有跟著呢個版辦事啦.黑雨同8號先cancel.跟著就打哂電話同大家講
7:15am 天文台正式宣佈改為黃色
咁點都要去啦.
7:55am 到達旺角地鐵站
一半人到左lu.其他都好快就到齊.
8:10am.上到地面巴士站
唔知係咪岩岩走左班車.都等左幾耐下.上到車過左幾過站.撞到朋友.又多兩個人一齊去LU
8:37am 到達目的地
入到去見到set緊場.今日個場唔同標準場地.開始擔心禮堂會唔會一樣
上到禮堂.果然.分別不大.集體又要改啦.真係.....
落返去睇下出場.依家先知原來太極同南長拳果d分開既.不過其實都冇乜關係.咁係正常既
之後大家就去左報到換衫lo
9:30am 正式開始
比賽開始.輪到阿哥出場啦.普通普通,甩帶冇記錯好似扣 0.1.到
跟著到李穎.發夢發夢.對著個牆比禮?
跟著到發發.4點先訓?係咪傻左呀.......冇力冇力夢遊夢遊.又甩帶....點會兩個都甩?
11:10am 到公開啦
冼成出場啦.今日算係我地發之中發揮得比較好既一個.幾好.跳果度唔知計一步定兩步.咁就冇左第二....慘
終於到我啦.估唔到我會係正冼之後果個打.
11:12am 到我啦
進場.竟然好似上次咁.差唔多冇緊張既感覺....打打打.....到左馬步.點解個地板會咁痴架...再打打打...
打得太遠.唔夠位...點會咁...死頂.我唔要出界.(好在冇出.但係強行黎.路線變型.怪怪的).殺呀~~~~
打到今朝先決定改果度.果然係呆呆地加滯滯下..(唉都估到會係咁).之後都算平穩啦.不過唔夠訓,冇力打落去.軟軟軟
12:00noon 出街買飯食
買左好多.食唔哂.眼太闊.肚冇咁多個
2:00pm. 到家樂lu
點解到左2:00都係發緊夢?不過都算發揮得唔錯中規中矩
跟著到李大啦.應該係今日所有項目最高分果個,勁
終於到我地個人最後一個啦.細佬.第一次準備出場.準備好啦.點知一叫個號碼原來唔係佢.我真係大頭@@
原來之前仲有一個.可能因為咁有d影響啦.尚可尚可
3:45pm 準備集體
開始準備集體.今日個場同觀眾太埋.攪到要改變進場.落到去.有個人話可唔可以影張相先.跟著影左唔知幾耐
之後又有班師奶.超耐.等到我忍唔著要問佢仲要影到幾時.不過我真係好趕,仲有幾個就到.真係唔好意思
4:00pm 我地上場啦
今日最後有名次既希望就係依家啦.我地出場前叫左一聲.估下叫左乜?
唔講你知.^^總知就開心佢地決定咁叫.
到啦.叫我地進場啦.好多人行黎行去.....阻到行唔到.唔知會唔會等左幾秒先郁會有d影響?
打完啦.幾好.好多好多人拍手.觀眾反應好好.不過........
幾個小朋友聽到分數後.好唔開心.我知你地會問點解會咁.點解咁低分.點解...?
小朋友.你地已經好努力架啦.今日真係打得幾好架啦.只係今次你地既對手係大人呢
輸左唔緊要架.自己有盡過力做到最好就得架啦
5:00pm 頒獎
原來等頒獎既時間係咁難過.呆站超過半小時
散場lu.終於可以狂影.影左好多.希望你地唔好影到我腳趾啦
6:00pm 準備食飯
最後攪到成七點幾先食.間野真係好好食.爛店一間.服務差.食物水準更差.5個笑俾得佢1個
果1個係因為佢d水係正水架
8:00pm 食糖水?
食完飯.竟然決定左去深水涉食糖水?good.岩哂我路
今次竟然約左係個站到俾返個銀包我.我係車上.佢係個站.真係要睇清楚....成功
到左糖水店啦.有人後係咁望著個幻彩明珠喎.呵...都叫你地聽我講架啦.後悔呢.幫你唔到.下次代黎過啦
9:50pm 終於返到屋企
返到黎好眼訓.磨粒扭計骰.磨左成個鐘.合返埋整幾野.好似冇磨過咁...咩事呀(超無耐)
12:00am
攪左一陣就睇火影lo.點知一睇睇到成一點七.點會咁耐架.以前唔係點三既姐咩
睇完就沖涼lu.
沖完啦.記得今日影左d相.拿返出黎睇.又睇d片.慢慢睇.睇左好多次.同新秀賽比,個個都進步左.有d多有d少d咁啦
我地都仲有好多好多野要改進.要努力.睇片既時候.聽到你地講d野.都幾攪笑下^^
可惜既係.今日你唔係我地身邊.獎..我係拿到啦.但係點解同唔到你分享.我唔會再逼你.只係唔明.點解....
唉.又講啦我又.唔講唔講
今日當你地聽到集體分數時.見你地六個都係咁既樣.拿獎既時候又可以一齊咁開心...有咩都可以大家分享.
一同歡笑.一同愁眉.你地真係成為左一隊啦.做到六個一條心.我都好開心見到你地咁.以後都要咁齊心呀
至於比賽呢.暫時我都唔知幾時先有啦.有就實講你地知架啦
係咁多.太夜啦.
收筆
|
