琴晚2:30先訓.今朝9點又起身lu~一早去操.操到12點幾
可能今日太熱又唔夠訓.練左一陣就覺得有d痺
跟著食飯食到1點.都未埋單.就電話黎啦.車已經係附近
即刻又去開工.點知又早收喎
反正都係累啦.又冇乜野做
咁咪去左林sir度郁下.點知林sir今日好似我教咁.基本功+體能混合體.做完一樣接一樣.10秒唔夠又開始第二樣
一直咁踢呀.跳呀,跑呀.成半個鐘....我真係就快頂唔順.攪到最後第二轉我都要偷雞左幾下.....真係唔好意思
唯有當今日操體能啦...諗著組合都做完啦.練完啦...點知最後無啦啦話要做擺蓮同旋子.......即刻o嘴
唯有頂硬上...
神奇地.淨係做完擺蓮起跳後.突然話今日差唔多啦,練著咁多先啦.點會咁?咁so????
跟著黎料啦.........原來將果d時間轉為體能....真係賣吉
終於完啦.各散東西.同左大師姐去鋸扒.....
(真係唔好意思.細佬.阿哥.李穎.冼成.發發.琴日冇同你地去到鋸.今日自己走左去.之後仲走埋去松記食糖水.下次一定去架啦)
兩個人食.講左好多野.仲有好多唔應該都講埋...俾人發現好多祕密添
(冇下次架啦大師姐.我唔可以再同你食飯.因為兩個人食實在太危險啦.俾你吊下吊下.吊左好多祕密出黎.我地下次都係唔好食啦)
跟著又陪去行到屋企樓下.再行返自己屋企.話就話都係深水涉.但係超激烈遠@@
雖然講左好多唔應該俾佢知既野.但係.係我自己返屋企既路途上.發覺原來佢已經好似以前咁.乜都會為我諗.準備好哂.
有咩都第一時間幫我.安排好.我依家唔會再妒忌你架啦.因為原來係大家眼中.我地兩個係你心目中係差唔多
只係年紀唔同.對我地關懷既方法有所不同.初時我真係好憎你.望到你都扯火.好妒忌.點解冇相處幾年.會俾你搶走左?
唔通佢唔再重視我.我算係咩????????
一堂又一堂.唔開心.嫉妒.不滿.仇恨....越積越多
直至半年後.佢主動幫我搵左野讀.上堂.幫我練左無數咁多次.一星期幾日.老實講.單對單.對著你.幾辛苦
你望著我.我呆.又做過.又望我.我再呆.又做.重覆重覆又重覆....唔通我依家d體能係俾你由細到大咁練返黎既?
直至果陣時先發覺.你好似返黎啦.開始重視返我
到今日.同大師組一齊食飯食糖水.講返好多野
依家同你既關係.又好似返返十年前咁啦.我唔知你既諗法係咪一樣.只少你依家俾我既感覺係.你.就如我家人一樣
如他們七個一樣.是我一生中極之重要的一個人.
|
