-終於!終於!終於!終於!終於上得返網啦!停左差唔多成個星期,我唸依篇文會係好長下了...

-上星期五,一放學就打波,同陳伯,鼠狼,石Q,但唔係玩得好開心,硬係覺得心情好唔知點咁,打到11點幾,返天澤搵Kinki出黎食宵夜,食到1點左右啦,跟住行臭河喎~!邊行邊係到傾計,講鬼古之類啦,講講下半路,突然個路燈又關又開....跟住行到半路,我地又衝左去馬路影相啦~!今次影得唔錯,但得一張,點解?..話說依晚,我地衝出馬路,凌晨冇咩車,佢地去屙尿嘛~行遠左少少,我同Kinki企係度,我心唸"前面不遠處停個部係警車?"跟住同Kinki講,佢都話似喎..跟住同陳伯講,佢話貨車姐,警車有燈色架,跟住唸住走啦,點知部警車龜速車近,果然係龜,人係龜,車都龜速,真係龜過人...跟住我同Kinki正想走個時,部龜車已經開曬喇叭叫停我地,之後就對話了...:"咁夜係路中間做咩?仲唔返屋企","食完宵夜行下姐阿Sir","身份證!","call台xxxxx",閃得...妖!~咁都要煩一餐,都話警車架啦,死老陳,你真係做得陳伯伯啦,咁都睇唔到龜車- -"跟住繼續行啦,行到北江,又見到頭先個龜車喎!我地話返家但冇返嘛,緊係避下啦,跟住行去銀座坐下啦,本想去廁所,但有對腳伸出黎!跟住未入就閃左啦...成個天水圍遊一圈後,已經4點幾左右,返到屋企緊係訓教...5點訓到8點,釘哥叫我陪佢整身份證,死死下咁出去,跟住企左半日,等佢地搞掂曬後,Brain黎左,係M記見到M叔!~同阿龜打招呼喎!,真係同道中人下~!跟住佢地去salon剪髮,我真係頂唔順,自己返屋企訓,叫佢地剪完先叫我出,返到屋企唸住換件衫訓m點知衫都未著就訓鬼著左...跟住訓左一個鐘頭唔夠,又彈出去元郎,買左個westwood電話繩,2xx$,唔記得了...跟住亂行,行到7點又返工啦..9點幾已經好耗力,因為對腳真係未停過,11點點幾放工,同肥魚食完野,已經累到真係半死,第三日又8點幾醒,去南丫島參觀,都係行行行!過程唔講啦...照片代替,返到去又開工,1點到家,即癱....

-南丫島