-開始覺得唔係好掂,對腳未好返就去打波,雖然平時咁打冇人留意到,連我自己都唔覺,但返到屋企按下隻腳,好痛"...隨時扭多次就好大件事一定,所以我要小心些,當然發現未好返既原因係,打個時同跳個時,帶有痛楚,但唔算深而已..希望挨到,唔係我真係冇左依個假期既樂趣"

-仲有件事,都係覺得唔多掂,放假既日子,如果冇節目,就睇片睇到凌晨4-5點先訓,如果有節目就通頂,跟住第二日個顛老又博老命敲門玩電腦,死都唔比我訓,聽日再敲門我真係埋左佢都似,明明假期可以每日都好好訓先岩,佢又搞到我好似返學日子咁比人吵醒,咩事都有得傾,但係關乎到訓教既話,我就真係死過都唔讓一步- -特別黃金假期

-日日咁樣搞法,精神又唔夠,周身又痛,我唸我真係遲早係依個假期搞到自己殘廢都似...

-芬姐係最重要時候唔肯比陳伯去電髮喎...唉,真係勁唔明芬姐,明明剛剛先好返,點解仲要咁固執,陳伯做親咩佢都唔制架喎,佢地吵架已經變左等閒之事,因為個個幾乎月都有- -..係唔係女仔就特別有佔有慾?芬姐事事咁固執又算唔算佔有慾?依點真係唔知了..事實芬姐係幾好人,但同時我都幾怕依種女仔,太有老媽子既feel...管長管短= ="

-如果去唔成,就同大伙出MK行下,等遲下再同釘哥去過電,反正我都有選擇,唔會太影響我其實,但最好老陳去啦,我留頭髮已經留得超辛苦,再拖我驚我D頭髮札得到辮- -...