-很快很快,又到聖誕..

-依個聖誕,都好多野做下,先係18號個教會,跟住同劉老師傾下計,我唸佢一定幫到我唔少,Next係..唔講得住,因為我未決定到"有6成應該~跟住當然唔少得放假前痛痛快快咁同大家打一場波~相信依個共鳴,Brain,豬仔,阿龜,晨峰,阿蔡,菠蘿釘,肥峰,陳伯都會遲早意識到,否?再後係返深圳,落東門買曬要買既野,跟住再返葵沖探小慧+小薇,仲未唸好買咩比佢地好...總覺得每次返去玩,咩都唔帶比佢兩個,作為"哥哥"!~有些過意唔去呢~!嗯~至於返去個日期大概會快過潔文了~(好次每次都快過..除左唔返),提早用QQ睇下大陸班FD有咩節目,但佢地個個都要返學,有些努力緊高專課程,有些努力返工,唉...我仲係度放假,悠閒...唸得遠,我真係幾想同大家一齊努力緊高專課程,係香港好似咩事都向下沉咁"..呃!~唔講依些都係,我仲可以嘗試用繁忙迫使自己忘記很多....吧"

-嗯,仲要燒些碟返去比小慧聽,希望佢會鐘意janice些歌多過個些某某不明歌星..呃~咁算係為自己定為小慧?怪了.."

-同左豬仔去黃金幫佢部903買1GB卡,都好貴張卡...另外係個度些電話店見到903既價格係39xx$,3字頭已經明顯地平左,或者新年前我都可以換到既...但問題係沒有依個心情呢"..跟住買左條頸巾給媽,咁就感動到?..太渺小,但太偉大了.."所謂既母.跟住係鴨寮街個邊求其找間店食野,意外地,一個雲吞面同雲吞河填飽左我地既肚,豬仔就話有機有卡,開心到飽,我就真係唔知自己咩事咁飽..明明未食前好餓都"接著,去旺角行左陣,再去信和幫菠蘿釘部903包膠,係地鐵又係咁見到好多人用903,今日不斷撞見903,有如當日狂撞見k700i,唉...熱潮既實力..吧~等菠蘿釘部機包個咁既膠,等左勁耐,但睇得到個師傅有認真去包~跟住我同豬仔企企下,發覺地下有張八達通,我地冇去執,睇下邊個會貪心用些咩奸招囉走?但半日都冇人執,仲有係咁比人踩..最後都比個間店個件姣姣地既女仔執左,仲要扮到咩事都冇,贊你好演技,滿意否?跟住佢係度食煙,我同豬仔就出左出面等啦~跟住菠蘿釘打黎,問我地幾時返,Brain同阿暉都等緊上我度煲機,仲等緊佢部903~腳都斷等到,仲催我返..- -"包膠完後,就坐車歸家,跟住係美孚出左地鐵站走走,美孚同南昌可以話係似足十未開發地區,連找間餐廳都難,跟住都係坐西鐵走了~~返到去,about9點,囉部機比菠蘿釘,同佢傾陣計,跟住好快俊又call我,叫我去新機鋪打機,拒絕左,因為唔多鐘意打機掛我唸..."發覺有時間我都會睇下動畫,打下波算數"sor~跟住好快又到肥魚打黎,叫我出黎飲野..咩事呢?飲親野九成又話唔知煩咩啦我唸~跟住冇拒絕,但打完波先,始終我個心都停係籃球度..跟住約埋陳伯出景湖打,一去到,有些驚喜~見到兩個同陳伯好有緣既女子籃球員,一個係自稱勁易抽水既,一個係同陳伯唔識,但打親波都好似打架咁,出曬火既,另外一個唔關陳伯事,但個個矮妹試過插花扭曬阿健,仲穿褲底過..比矮妹喎仲要,對佢黎講係畢生難忘..呵呵~嗯,三大女強人都係度,唸起都有些搞笑呢~陳伯一見到佢地,就話要同佢地打啦~但都阻止左,因為我想認真打,唔想睇佢同個羅桂女打出火.."打得幾開心都今次,對手實力不遜,有個細老仲好好技術添!~果然入到球場,就可以令我大開眼界!~長衫打波真係好唔舒服的...下次唔咁玩野啦"打完歸家,肥魚過夜,一齊玩下電腦,傾計,跟住落去買野食,見到肥魚成班FD,不愧私校,全部都係唔洗讀書出黎浦個堆"但唔理啦,買野食緊要,今日剩係食左雲吞面而已!~食完睇家旋,睇睇下累得制訓曬教...

                                                                                     忙就忘記?難了