-今日返學係比老師叫得最多既一日..唔知點解係要我- -...首先,ac個李Sir話要交原因先可以唔參加個咩理財活動,我交左上去佢又唔肯收,話我冇原因,原因?補課囉,補咩課?哇,問咁多做咩,其他人個個都咁講照交啦,其實你都心照啦李Sir,個個一聽你個活動就係咁話有原因,你未話一定去之前一個人都冇出聲,真係唔知你個腦轉數轉得慢定特登玩野,就係我地個班人點改都唔肯收,豬仔,阿龜,Brain,肥峰,菠蘿釘全部都唔收呀...咩居心呀李老師!

-跟住ac補測,個個交出去話錯少少冇緊要就走,偏偏我冇對正個位置姐!咁就比佢捉來鬧,咁你又唔係正式考試或功課,我邊知要咁整齊...個個都拿拿琳做完交架啦,真係慢慢對咩..跟住鬧完又叫我唔好走住,要我收曬全班未交改正D作業,我不嬲冇號召力,叫我收全班作業緊係難到我啦,跟住叫阿釣幫手,搞埋黎食飯個小息一分鐘都冇..唉"

-上完堂,李Sir叫我出去傾計,吵我兩句,跟住叫我改曬D正佢,勁無奈囉,睇返其他人功課,個個都係咁抄錯咁上下,我冇做既有幾個都冇做啦..剩係捉我來鬧,跟住又好無奈咁上英文堂..

-英文堂,個個都癱曬咁制,我見miss幫人改作文,又有人黑陣,所以又訓陣,點知又比佢點名出黎話,話我係唔係好夜訓,洗唔洗調前去坐,哇..救命,咁多人都訓住係要捉我黎講..跟住放學又捉我去改作文,但上到去見唔到佢,所以算了,斷估星期一冇事掛...

-放學返完屋企繼續同大家去打波,跟住打到去兆康,上次鐘屋村,感覺好似一直慢慢殺去屯門咁,哈哈~一齊去食飯,玩溝野飲,哇...個兩杯野真係夠"正"!!好在冇輸炸...結果菠蘿釘同肥峰飲左,水+湯+送菜汁,同埋洗碗筷水,一啖過~勁呀,呵呵~~

-跟住打波打波打波!!!打到成12點坐尾班車返屋企~~好累好睏...

                                                                                       長篇大論,全因老師們 = =

-今日照常返學,晨早收到ling妹個信息,問我係唔係仲發佢脾氣,先冇佢咁得閒- -..跟住覆返佢我要早睡,唔好咁煩,呵呵

-P.E堂,同阿龜,菠蘿釘,肥峰,阿釣,甘仔打籃球!~好似好耐冇見阿釣打籃球了,求其咁鬥下好快又兩堂過去,跟住繼續上堂,ac個test炒左了...9成衰唔記得結帳,算了...今個星期要溫熟曬佢先得!~

-返到屋企癱係張床,本來唸住癱一陣就起身,點知一落床就一直咁訓落去,弟返來大嚷著,我都冇曬知覺咁自動過隔離房,估唔到係,原來我係隔離房未上床,係地下已經訓著左,一直訓...訓醒後,自已都驚訝左,竟然訓到失曬知覺,過左隔離房都唔清唔楚...暈"

-今日又忘記帶八達通,搞到又要用飯錢貼自已坐車..最憎了..