-癡線的,日日挨夜挨到鬚根都出曬黎- -...又早訓唔到,怎辦?"

-恭喜梁國"死而復生",學校肯收返佢丫~真好呢~幾分就私隱啦

-昨日去左睇死亡筆記,之前覺得唔鐘意佢d畫功,但睇過後發覺D劇情好吸引呢!~返到屋企緊係即刻煲啦~呵呵

-原來勁耐冇音訊既人,搵返佢會一切都變曬,態度變曬,身邊事情變曬,er...算了,睇黎搵故友係錯誤選擇"除非無意碰見吧

-好耐冇打日記了,因為都冇咩特別野想去記...最近?嗯....阿暉生日去左間酒樓勁食野,當然對住成班禽獸又用返禽獸既方法去搶野食,如果唔係想夾舊肉係冇咩可能既事- -...跟住落機鋪玩龍珠,開左張比達,幾好用都,返屋企搵左連招表,強到....一野可以連人一半血,啞曬嘴- -....

-好耐冇打波,前日同陳伯打左場,哇...打波定拋波,手感冇曬囉,隻腳又好明顯冇以前跳得咁高,唉,下年可能真係要放棄依D餘興節目做定野嚕"

-最近真矛盾,返學又唔多想早醒,放假又真係覺得無所事事,唸過返大陸玩埋結尾,但感覺一個假期返兩次好怪雞,都講曬拜拜,又滾返去好似好唔要面- -.."而且個個都要返工,煩少D算了,唸住係香港虛渡埋10幾廿日准備享受最後一年校園-_-"

-上返日記多左個養狗功能,係用依招要人多上個板?應該係...有趣"