-今日過得還可以,PE堂,因天氣凍勁少人帶衫,起初唸住實悶,誰知今日有網球玩,又少人上帶衫,所以唔洗慢慢輪住試,同甘仔,菠蘿釘大戰幾回合,發覺網球勁好玩!跟住真係第一次認真係PE堂聽miss教野....好認真咁學手勢等等,真係好好feel呢~有學既衝動~!跟住打到d波通街飛..呵呵

-lunch係大家樂,終於有餐溫飽啦,今年特別著重lunch,記得上年餐餐杯面,今年餐餐飯,簡直有益到爆,況且異常地,我好鐘意趴飯~

-外國腥腥終於頂唔順我地班,用英文不斷訓導我地,遺憾我地根本唔會理解曬佢一連串流利既英文,所以曬氣..

-放學臨走個時咁岩撞到訓導,佢又咁岩望住我,咁岩我個頭又唔剪後尾部分,咁岩佢見到我最長一面髮,所以...叫我剪髮,彩你都弱能- -

-老媽唔知係唔係無聊得制,今日出街狂買野,我都唔執輸呃左兩件,反正唔洗出錢嘛,password個女仔感覺好似認得我,但都唔奇,我都認得佢,有咩好處呢?對,就係折扣啦,睇黎無形中我已經變左會員(成張金牛都洗過喎,佢冇出會員卡姐,唔係早就會員吧- -)

-跟住再去配眼鏡,total680$~果然眼鏡依家野,齋睇佢post個價錢係冇用,又咩鏡片咩鏡片已經加多幾百~算了...

-個網輕左幾日,終於上得返了..不過由於記性唔係咁好關係,我唸想打返之前些事都幾無能為力,始終唔係咩重要事,好難記住的"

-今日陪老馮去左置樂買PS2,老馮連問都唔敢問,仲話要買,呆左...跟住叫我幫佢講,ok,跟住唸住同個老世吵下,吵返幾隻碟送嘛,買機喎,點知佢送一隻,仲要翻版,辜寒...跟住我問佢部機d野,佢仲倒串返我,真係唔想幫親佢囉,但唔係我買,事但啦..隨後幫Brian睇下NDS隻wining,未出呢~一向對足球毫無好感,所以都冇咩話可惜既感覺,等碟個時,突然"砰"的一聲!全部人望曬後面,不再注意新game,個清潔阿姨呆左,全部人啤住佢,隱約聽到"嚇死人咩"之類少少諷刺說話,都係職業姐,無分貴賤,跟住繼續等,無耐又"砰"一聲!嚇死人真係...咁大聲,跟住囉完碟就落去,佢地話買野飲,見到許多學生,仲係人地個間店口大鬧大吵,女仔添...好意思嗎?"跟住懶得買就閃了,最近好似成日去置樂,又興起買game熱潮?

-聽日可以換新眼鏡,後日約左肥魚同肥峰去屯市買衫,兩個肥大保鏢,簡直型爆!kaka~

-星期六好似幾多野搞,又話去唱K,但教會又係咁催我返,跟住miss wong度要畫國畫,我比較想去畫國畫度,唉,睇下點先啦,波衫又未訂到,一日做得幾多野呢?暈了...

-今日既傑作~名為"漢堡時菜撈面"(謎之聲:好假囉...)