2005 年 10 月 3 日 星期一  |
| 調位~ |
分類: 未分類 |
今日一起身就係咁抄訓抄(無計,琴晚未抄完),
踏車全程都係抄緊,都未抄完,
早讀樂之後,好彩靜儀未黎,如果唔係我諗我都未抄完,
原來佢唔記得要上堂~哈哈!咁都好,又上少一陣!我亦都抄完我的訓抄.
p.e:玩平衡木,都玩得ok架!!可能因為我地果舊木夠著數.
依家10月啦,又係調位的日子,
我坐第3行第一個,原來麵唔係我想像中的咁差者個位~
聖經:果然收訓抄,好彩抄完,有一個同我一齊的話無帶...咁樣先顯得我乖!^^"
lunch同雷雷落左去食野,途中見到小森...
我同雷雷用左10分鐘[包括行12層樓梯(來回)]就食完晒d野,真係勁!
maths:無聊
生物:今日認真小小咁去聽書,我明白左dd啦!(多謝天父)真係好,距離理科又近一步,我要加油!留心d聽書.
中文:作文...
放學....正!!
用左個半鐘畫左一幅素描,聽日又大把野做!!
|
2005 年 10 月 2 日 星期日  |
| 你是愛!~ |
分類: 未分類 |
今晚係咁趕訓抄電腦筆記,
抄左幾粒鐘,好多頁,抄到手都軟都未抄完~...<
你是愛
你是愛 你對我的愛從沒改
沒有因歲月改變 沒有因我罪生厭
我呼喊你名字 你笑臉向著我 你一次又一次
你是愛 你對我的愛從沒改
就算因我又失信 但你的信實不變
我呼喊你名字 你笑臉向著我 你一次又一次
有你愛我 讓我知道我是存在
有你愛我 讓我知道我重要
有你愛我 讓我知道我是人
被珍惜的一個 讓我知道你是愛 |
| 2005 年 10 月 1 日 星期六 |
| 大潭~突然的BBQ |
分類: 未分類 |
今日7:40到起身,好眼訓
我已經遲到去到筲箕灣,點知打電話俾alian佢仲訓緊教,激到我飛起.
上去惠康危唔到佢要的咩乳酸,
去搵佢,再去西灣河我地又遲到,
去到見到好少人(預左),得raymond,秋鳳,雲吞,阿立,moon,alian,我,milk後來先黎,
我地原本諗住係大潭行下山咋,點知兜入去燒烤果度,
唔知邊個突然慶起話BBQ,
於是,雲吞and阿立就踏車出去chai wan buy food,
過左個"靈"鐘度就返,真快,
途中,我地踢過毽子,玩過唔知咩黎,聽收音機,聽歌,食野...
好快佢地就透好過爐,BBQ開始,正呀!!
途中都搞出好多笑話,雲吞不斷發表佢的偉論(理科)其餘唔係好記得,唔打啦!!
雲吞又爬上樹,我地不斷捕捉佢跌落黎果一刻,好衰~^^"
食完野我地去左另一邊唱歌,等緊阿milk黎果時都有唱,
我地唱左好多首歌,分享果時,有另一d唔識的人黎點唱,
點左"愛是不保留"and唔知叫咩歌(唔識的人都黎點唱,好搞笑證明我地係幾咁有"未"力^^),
我地都非常樂意地唱左首歌,第3首係有個細路經過,raymond提意唱的,佢停左係度聽,好開心(我地).
原來成班人拎住支結他係度唱唔係一件樣衰的事,反而係榮幸,因為事問有誰有這勇氣,有這賞賜,
(唔明??慢慢諗下)
之後又玩數字球,不過係叫名,我俾雲吞掟中個頭>.<"
雲吞太多仇口,成日俾人叫,
其他人叫果時,因為我同阿立的音好似,成日唔知叫邊個,於是兩個都以為叫自己,
兩個都去接住,有一次俾人打中面>.<
試過好多次我地都係咁~哈哈!
玩完呢個又玩"辣辣火煱邊個食"(其實係零食)
玩到唔捨得走~>.<
原本係去淺水灣都無去到．
總括黎講,今日非常開心,仲知道左好多關於祈禱的野,
感謝天父俾咁好的天氣我地~
|
| 2005 年 9 月 30 日 星期五 |
| 等左好耐呀~!>。< |
分類: 未分類 |
今日生物小測,琴晚掛住玩電腦,無溫到,
今日又踏唔切8號,踏左wan仔又溫唔到,
返到學校,係lunch最後果幾分鐘睇過下,
測果時,識d唔識d,記得d唔記得d.....=.=!算啦!唔會唔及格ge~應該!!~
電腦堂唔記得帶筆記,
明明琴晚都叫自己記住用file裝著,點知連筆記都唔記得帶,
又要訓抄,開學到依家抄左好多書啦!>.<...
放學同meiling去左mtr果間m記食野,
順便等alian,點知食完5點幾都唔見人,
之後可能就係因為我地去左廁所,so alian去到都唔知,
結果...出到去見到小森話行果邊可能會見到佢,
行到果邊,見到樺樺,又話唔見佢,
見到海蓮又話唔見佢...=.="
之後即跑去m記,影都無隻,
就同meiling踏bus走~
依家玩下電腦先,今個星期好多功課,
聽日唔得閒,都唔知點做..... |
| 2005 年 9 月 29 日 星期四 |
| =.=" |
分類: 未分類 |
中文小組討論,我坐唔想嫁的位,
正到爆炸,訓教老師都唔知,
但我一坐落去就覺得果個位好易俾老師叫名答問題,
哈哈!!(咩都我講晒)
英文派左quiz,ok啦!
lunch好快落去食左野就去義務特工隊開會,
我去唔到日營,但我覺得果日會幾好玩~>.<
數學無帶書,又俾人訓抄...=.=
琴日仲教緊第3課,今日就話教第4課~=_=
之後都好無聊......
我依家一坐係小食部就好自然地望住個校門,
一望住校門,我就會諗起好多野...
唉.....好煩呀!!
我唔起再想起佢,好辛苦!!
幫幫我~
 |
| 2005 年 9 月 28 日 星期三 |
| ^_^" |
分類: 未分類 |
今日差ｄ唔記得要週會拍攝，
宣佈果時先記得，宣佈完即刻跑落去．
今日拍野咁就唔使寫唔知乜野啦∼太好啦！！
中文堂扒左一陣就俾人訓企左一陣，
訓企之前又問我使唔使企一陣，我話唔使，佢又訓，咁問黎做咩？？！．．＝．＝
物理好搞笑，原來良良好可愛
今日又素描，無聊！！
英文ｑｕｉｚ，我錯左勁多．．．又等俾人罵得啦！！
我地唔明果個咩ｐａｓｔ ｐｒｅｆｅｃｔ點用，個個都一頭霧水，
小燕又話唔會俾我咁一”舊”雲咁走，最後咪又係，
都唔知佢講咩！！？
放學我終於都忍唔住整走左個"愛的淚印",
但可惜我對佢的感覺依然存在.....
返到屋企見無功課就訓左個半鐘教，
好累！！
（希望我可以尊心讀書！！） |
| 2005 年 9 月 27 日 星期二 |
| ．．．．． |
分類: 未分類 |
今日小息叫ｗｉｎｇ幫我叫馬騮仔買野食，
佢淨係買左ｗｉｎｇ果ｄ，
ｌｕｎｃｈ佢再去幫我買，
佢要出去食飯，ｓｏ我同ｗｉｎｇ要去接我ｄ食物，如果唔係佢要拎埋出去，
但我地唔俾出去＋落去（坐監），但又要．．．
之後就問雲雲，同佢講我地想去ｔｏｉｌｅｔ，最後佢都俾，
我同ｗｉｎｇ就去左３樓，睇下馬騮仔到左未，（未到）
再去２樓ｔｏｉｌｅｔ，出到去，又唔見佢，再上３樓，又唔見，
驚俾老師見到，又驚ｍｉｓｓ ｇｏ黎左，
ｓｏ未接到食物就上返去，
岩岩上到去，坐左一分鐘到ｍｉｓｓ ｇｏ先上到，否則．．．
打左鐘我即刻落去，點知唔見佢，
等左好耐．．．．．見佢兩手空空咁返．．．＝．＝
ｂｕｔ後來我知佢有幫我買，只係俾人食晒，唔緊要，都唔該晒！！
放學同ｗｉｎｇ，優雅ａｎｄ雷雷買左個包包食，就返歸．．． |
| 2005 年 9 月 26 日 星期一 |
| "愛的淚印"~ |
分類: 未分類 |
今日p.e堂落雨,miss叫我地拎軟"戰",
等緊人地拎時落雨,雖然我病緊,但被雨淋的感覺真係好!!
之後無拎就返入雨天操場再入禮堂,
入去禮堂跑9分鐘,係禮堂跑雖然得50m,但舒服好多,跑完之後好暈,
上完p.e就叫蛇仔幫我同wing買野食~^^
lunch高老師好早就黎左,
見到我塊面有個印,就話你塊面做咩??
我話左無野,話左擦唔甩,之後佢又摁我塊面,
問我痛唔痛??~(唔痛)
摁左好多次~>_<(我唔鍾意人地搞我個頭的事但一處~)
lunch就同alian係醫療室坐左一陣,
等阿邊個黎左,我就走,唉!!佢地兩個.....
我塊面的印係我自己改-------"愛的淚印",
我覺得個印好似流緊的眼淚,
so...改叫淚印,至於"愛"字都唔使講啦~
呢個淚印係代表d咩,我諗每個人都明~
希望佢知道..... |
| 2005 年 9 月 25 日 星期日 |
| 中晒我心情!! |
分類: 未分類 |
1.你的話語就像忘了加糖的白木耳似的,平淡無味。
2.要跟女朋友遁聲分手,其實並不容易。
看看別人今天分手明天和好,做得挺利落。
3.這就是現實,女人被遺棄時大多是這樣哭泣的,可他竟令人失望地又不吭聲。
4.她的臉被淚水濡濕著,而且也沒有去擦拭的意思。
5.相愛的人一定會相知!.........?
6.我仍有很多朋友。但.....沒有了他,畢竟不一樣。
心裡像突然缺了一塊似的,空洞洞的。
7.讓那些不愉快的事隨風去吧! |
| 2005 年 9 月 24 日 星期六 |
| 好慘!~ |
分類: 未分類 |
今日要返學校上攝影班,
上果d野之前都學過晒,
不過又唔記得晒~^^"
今日無咩趣事,無無聊聊的.
走果時落雨,
我冒著雨由學校行去測魚涌果邊,
去到北角尾,
都搵唔到我鍾意的拖鞋,
行緊時愈落愈大雨,我又無帶庶,
為左買拖鞋,落雨都照行,
最後都係買唔到.....>︵<
依家返到屋企,
我諗我好快又會發燒...... |
| 2005 年 9 月 23 日 星期五 |
| 今日?......ok啦! |
分類: 未分類 |
今日返到去超級超級超級眼訓........
lunch之前果5堂都係半睡醒狀態.
係喎~唔記得琴日小燕無返,
我同ada,芷慧and紫澄兩堂都係度傾計,
勁happy,係咁講人是非~^^
落堂,佢地又係話估唔到我原來咁好傾,原來唔係咁靜~哈哈!個個都係咁!!
今日lunch電台開會,我面試fail左,so係初級組員...=.="
音樂------無聊~
生物------麻麻地~
電腦------無聊~
放學我,wing,issa,優雅,雷雷去左果間新開的"美心MX"食野,
d野食都ok ge,唔係好差,又未至於好好味果隻...(講左=無講!!?)
之後就影左d相,又一齊踏81返屋企~
我今年參加左電台,排球,團契(呢3種都係上年參加開),義務特工隊(余李慕芬)[希望會好開心]
希望今年可以借工作黎忘記所有唔開心的事,
亦都唔想再諗同讀書無關的事.
希望天父陪伴我,守護我,安慰我,提醒我..... |
| 2005 年 9 月 22 日 星期四 |
跌落谷底...  |
分類: 未分類 |
上緊第一堂中文時,我打左個呵欠,
高老師就話"好眼訓呀?!琴晚做賊黎呀??"即刻合埋把口.
之後佢無端端我講"今日第8堂落去幫手喎!"
我都唔知佢講咩"幫咩手?"其實我係想講幫邊個.
之後佢話係團契招募,load左一陣,我就話"哦!!"
太好啦我唔使上第8堂------地理!哈哈哈......
第8堂同michelle一齊招募,初初睇住對面合唱團咁多人,
自己得小貓一兩隻,
之後有高老師坐鎮,淨係第8堂都有50幾人參加,好開心,
不過每次都係最初多人,到最後就真係得小貓一兩隻~>"<
我仲記得琴晚開電腦,一開就入去...
之後見到一d我好唔想見到的野,
可能其他人見到覺得無乜野,但個心一定會有hurt,
其實句野可能對普通人黎講無咩特別,但我唔當佢係普通朋友,so.....
唔知點解,佢之前都講過類似的說話,但果時只係覺得hurt,今次係覺得佢好討厭,
(咁係咪即係話我開始不再鍾意佢??)
但討厭同時,個心情一定係跌落谷底.....
我應該一早就聽meiling話,但......我做唔到!~
依家或者.........做到啦!! 希望 做到啦! |
| 2005 年 9 月 21 日 星期三 |
| 趕功課~ |
分類: 未分類 |
琴晚玩完,今日係咁趕功課,
趕到我死,全日用晒黎做先岩岩好趕得切係11.前做晒!
好彩者~ |
| 2005 年 9 月 20 日 星期二 |
| ok啦今日~ |
分類: 未分類 |
今日無咩特別,但美容就........
佢串高老師串得太激啦,
估唔到平時唔講野的佢,
居然係咁串,
結果只係俾高老師罵,
美容~算啦~你鬥佢唔過,亦都無必要同佢鬥,
化學:唔記得帶file,俾人訓抄"我以後上課緊記帶筆記"x50
唉...... |
| 逛街街~* |
分類: 未分類 |
今日中午係咁玩電腦,
原本諗住做功課,點知一掂電腦就停唔到,結果都係做唔到,
夜晚約左becky去維園,我同埋我家姐一齊去mtr,我家姐遲到半個幾鐘,
我地去到都唔係好多人者,
去到係維園行左一個圈,就走左出去行,行行下又返返去維園,係度兜圈~^^
之後企係度睇唔知乜野,等左好耐都唔知佢地做緊乜,
聽到後面d男仔好多野講,諗住望下,點知原來係.......阿寶.
佢勁大聲講我個名,(佢隔離d人都唔識我,幾大聲都無用)
無野睇,走人嚕!一邊走一邊同阿寶講野,我又係咁傾向右面(佢係左面)
點知行左幾步..........踏到一個阿伯同阿叔之間的年齡的人,
佢好惡咁話"做咩呀你?"我諗佢都幾痛,我趕住逃走,講左幾句sorry,
阿寶仲係咁講"哎呀哎呀哎呀......."....=.=!
之後就企係度睇人跳舞,好勁呀!!佢地跳舞好勁呀!我好鍾意呀!
(途中雖然係咁落雨,但唔緊要,我好難得先出得一次,唔會因為一次雨而唔開心,反而要多謝天父~^^多謝,我愛你!)
企左係度睇左好耐,到重複表現先走,
我電話無電,又唔知我家姐係邊,一邊搵佢,一邊買野食,哈哈!!
原本10幾走,12點先返到屋企,我媽係咁打電話俾我fd/my sister's fd.
搞左成倨鐘係因為要搵toilet.....
係踏緊車途中,見到一對情侶,佢地哎緊交,個女仔起身想走好耐,
but個男仔係咁拉住佢,呢個動作都有至少5次,
初初我覺得呢種感覺好正,個女仔其實好開心,我覺得,
but後來睇睇下,都唔係想像中咁,個女仔其實一d都唔想走,只不過係想嗲個男仔,
俾人拉一下就跟人走,唉......其實跟本佢就想係咁,自己攞黎.....(個字幾難聽,自己估下)
返到屋企,becky12.幾打俾我,我初初以為我媽罵,點知佢仲讚becky,哈哈哈........
話佢關心我,我咪串佢,我d fd不嬲都咁好,只係佢覺得唔好者!!
好累呀今日,但好開心~ |
« | 31 | 32 | 33 | 34 | 35 | 36 | 37 | 38 | 39 | 40 | ... | 50 | »
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
