爛透心
將每日的爛東西，冷笑話盡量收服，把人生的體味，過錯盡量向自己担白
kuturys : 個人主頁 - 相簿 - 訂閱  [ QOOZA - 論壇 - 登入 ]
kuturys
暱稱： 喬
性別： 男
國家： 中國內地
地區： 其他地區
«‹ September 2015 ›»
SMTWTFS
12345
6789101112
13141516171819
20212223242526
27282930
最新文章
•又一年喇
•騷後抑鬱証
•happy friday
•宅男大集合第二部
•我的小李奧
文章分類
•全部 (56)
訪客留言
最近三個月尚無任何留言
每月文章
日誌訂閱
尚未訂閱任何日誌
好友名單
網站連結
尚無任何連結
最近訪客
最近沒有訪客
日誌統計
文章總數： 56
留言總數： 41
今日人氣： 7
累積人氣： 1626
站內搜尋
RSS 訂閱
RSS Feed
2007 年 12 月 6 日  星期四   晴天


一直被小看的，抬頭了 呆滯 分類: 未分類

今天是第幾天晴天了真的數不清楚了

我咁大過仔都都未試過一日可以做咁多篇英文閱讀理解嫁，今日考模考竟然一次過做五篇，睇嚟我都應該理解左唔少嘢••••••，大家知道嘛，悶到係要做左三篇之後無心機到去作左文先囉••••••攞命••••••

地理應該考得好差，我諗我要加把勁喇

自我開始看其他國家嘅劇集之後，我就沒再著心看過三色台啲劇，『抄人嘅』『搵戲嚟做』通常都係我D朋友掛喺口邊嘅說話

但係經過尋日我屋企發生嘅事之後，我不得不讚嘆寫『糖心風暴』嘅編劇將爭產嘅場面描繪得淋漓盡致，活靈活現，置身其中一樣，因為我家剛上演了一齣沒有劇本的『糖心風暴』

別誤會我家財萬貫，為的是幾百甚或可能只係幾十萬之金錢，原來就可以令一個滿口仁義道德嘅所謂知名人物，做出泯滅人性嘅行為

金錢嘅魔力真係大，父子、兄弟、夫婦反目成仇在社會比比皆是，我一早已經預計會發生，估唔到會咁快發生喺我屋企身上

老實講，錢，我一家一定沒份分，亦都不想要，可幸的是今次只算是旁觀者，但是看見快百年的人，像獅頭一般給人舞來舞去，確實亦都是不好受的

我希望有朝一日真的給我遇到的時候，我會將親情放在第一位，阿彌陀佛
發表時間：2007-12-08 01:32 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 12 月 5 日  星期三   晴天


我只想身體健康 傷心 分類: 未分類

今日也是晴天，真的有點悶氣

終於考試了，本來都幾緊張嘅，但係見到好似唔係好難，但係又好似唔係好識，所以好集中咁去做，做得好快，考歷史仲瞓到噶噶聲，HANDSOME仲叫我去洗面......，我唔係冇精神，係做晒又唔走得咋，好唔好

今日終於好翻D，又要多謝這些日來關心體諒我的人，多謝

我是一只魚

是一首我幾喜歡由小齊唱的歌，原來人的愛就像魚的水，離開了愛就想找機會再跳入愛河，好像快會缺氧一樣，不理會河水是甚麼質素，是鹹是淡，是深是淺，是大是小，總想跑進去試試，被咬得片體鱗傷，被海流撞暈，才知麻煩，真是可笑，但是最可笑的是看見同一譚水有利可圖，有食可尋又會再奮不顧身的跳下去，真是愚不可及！
發表時間：2007-12-06 12:49 AM  [ 訪客留言(1) ] [ 編輯日誌 ] [ 分享至FACEBOOK ]


2007 年 12 月 4 日  星期二   晴天


享受不到的晴天 鬱悶 分類: 未分類

今天是第幾天晴天呀，好像已經第八天喇，乾乾悶悶的，是因病影響到我的心情，還是快要考試而自己準備不足有點擔心呢？看來兩者都有點點

今日中文堂D病好似好嚴重，瞓足成堂，有D唔好意思，但係如果聽日仲病，仲唔好意思呀

人，真的是一種適應能力很強的生物

生理上可以用很多種不同方法去適應唔同嘅環境，在自然心理上，潛意識亦都懂得很多方法來保護自己

那究竟身為一個有血有肉像我一樣凡事都尋根問底的人，最好的自處方法是隨波逐流，跟隨人類與生俱來，保護自己免受傷害的基因，還是去面對自己的不成熟，去多學，多體諒，多感受身邊的的一切一切呢？

很多在我身邊發生的事都好像叫我選擇前者，始終這都是人類根心蒂固的的一個辦法，但我不甘心，因為機會係放喺人面前嫁，你唔掌握，就會有另一個人去掌握

但是我這樣說可能我也未必做得來，因為令自己心裏舒服，總比經常像如臨深淵，如履薄冰的狀況好

但是這樣看來我還是攪懂了，我還是會堅持要後者，原因好簡單，因為咁樣先唔會同我做人嘅宗旨走相反路，要經常提高驚覺，要對任何事都有危機感，因為人沒有危機感，最終受苦的失去的會是你的全部！
發表時間：2007-12-04 11:35 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 12 月 3 日  星期一   晴天


有病呻吟 愉快 分類: 未分類

 今日未返到學校就接到個電話，今日地理老師請假，OH!NO!仲諗住考前覆習，上左第一堂己經兩隻眼痛到不得了，睇嚟我係感冒喇，於是早退，本來諗仲睇西醫，但係老豆就精心炮製左一煲中葯過我，我現在這刻精神不錯，看來是見效了。

今日表弟正日生日，佢都算勁囉連續三日慶祝，我仲勁陪足佢三日三個FUNCTION，哈哈！

我認為啦，人嘅成長真係好值得高興，但係怎樣成長，靠甚麼啟發，有甚麼誘因都是一個人生的一大課題，很多時候人總要在碰到釘的時候才會看清楚自己是多麼愚笨，多麽後悔，如此說來好像人人是笨蛋。我其實很想說不是，但是看見很多人死不悔改，我又冇辦法說不是。

我覺得今日上中文堂學某幾句文言警句，真係可以俾我地一個溫故知新嘅機會，『有則改之，無則加勉』，『往者不可諫，來者猶可追』

但係人係唔係一定要錯過先知後悔呢，我個人覺得，多聽，多講，多問，感同身受，確實可以從別人的經驗裏找到出路，點先算係無悔嘅生活呢，憑良心，享受，珍惜眼前嘅一切，不是佔有，而係體諒，不是沉醉，而是盡權利和義務，不是遵從教規，而是做任何過得良心之事，咁我諗就算你唔會得到更多，亦不會失去太多，咁可能你會感覺好悶，我唔會阻止任何人做任何事，呢個一向都係我做人嘅宗旨，這只不過是我個人見解，因為我相信平淡是褔
發表時間：2007-12-04 02:15 AM  [ 訪客留言(1) ] [ 編輯日誌 ] [ 分享至FACEBOOK ]


2007 年 12 月 2 日  星期日   晴天


宿醉未醒，風和日麗大浪灣！ 驚訝 分類: 未分類

 一早俾個親戚嘈醒左，打嚟屋企搵我呀媽！我呀媽幾時咁懶嫁，成十一點都仲係屋企？唔該醒少少打舖頭或者佢手提啦，『原始人』

發完個火先發現自己好似喉嚨好痛，大鑊，應該作感冒

今日表弟生日約左大浪灣BBQ，一點落到筲箕灣搵佢，佢差唔多買完嘢，跟住佢特登返西灣河買丸，真有情趣。咿而，咁做乜約我筲箕灣等呀？頂！我住西灣河嫁

仲有就係麗麗原來仲大鑊過我，佢唔識飲就唔好學人飲咁多啦，佢平日出去玩嘅次數仲多過我，想點呀，嘔到五顏六色，攪左我表弟一晚！阿彌陀佛！去到大浪灣就『死』左係到，見到都想笑

唉！我都唔明我表弟諗乜嫁，專攪埋D唔知乜，首先噚日好曬，係下水嘅好時機，我細佬話凍，唔落水叫我唔好帶嘢，點知曬到七彩，我表弟原來有帶嘢，我地好自然就去買條褲諗住一齊啦，跟住佢話滑浪想租塊板，我細佬話唔好喇，咁晏，玩唔得幾耐，咁之後就返左去食嘢，又唔落水，咁好自然跟住佢啦，點知去到走嗰刻，連浪邊都掂唔到囉，想點呀！！第二就係約大浪灣麻煩下次約早D啦，明知冇燈仲約兩點，入到去三點，三個鐘頭就天黑，咁點夠時間呀，不過點都好啦齊體上都唔算差嘅，大浪灣咁多鬼妹，哈哈！！

  
發表時間：2007-12-03 01:22 PM  [ 訪客留言(0) ] [ 編輯日誌 ] [ 分享至FACEBOOK ]


« | 3 | 4 | 5 | 6 | 7 | 8 | 9 | 10 | 11 | 12 | »