今日一係按摩中心埋單，個服務生見我冇召妓，佢竟然用一種好似見到啲唔知咩嘅奇異眼光望我，做咩呀點解個世界會變成咁架？乜唔係應該調轉先啱咩......I am confusing

我大懵到唔見左手提電話，仲要過左關先知.....

周圍問人借電話，想話打俾個朋友叫佢幫我搵下，點知一個都冇，可能現在的人太蠱惑了，連我外表咁單純嘅人都要俾人拒諸門外......

過到香港想問人借電話，好自然一般人唔肯借就問紀律部隊借，點知......原來紀律部隊手提電話不外借的......

好幸運，終於搵到電話亭，終於聯絡到我個朋友，拜託佢幫我搵搵，我今日仲有緊要事一定要用電話damn it !!

終於我再搵佢，佢竟然搵到，阿彌陀佛，原來呢個世界仲有好人，餐廳侍應竟然冇據為己有，香港人，是否會有羞愧心

但係我朋友話我知原來另外一家將客人的東西歸還會有奬金，雖然對客人黎講係一件好事，但係咁樣究竟係先進還是落後呢？

今日去睇個個新校址，雖然係舊啲，但係勝在闊落，益晒你啦枕頭，咁近 

 今日一早係呀龍屋企走，我其實係想返屋企玩

呀健近排好忙，今日終於有時間，佢約我返大陸，一去完佛堂就陪佢上去

想講嘅係，我收到一個朋友嘅短訊，佢問我係唔係上去叫雞，乜女仔就係咁諗野嘅咩，男人返大陸就一定係叫雞架喇咩，香港都有得叫啦

仲有佢話我知今晚有流星雨，佢話唔想出去，最終佢都出左去西貢，真有雅致

 今日返到學校就見到同學們，其實只係幾個係度佈置班房喇

都幾靚架

但係點解佈佈下置會變左裝飾人嘅

今日好遲先收到通知話要同杰杰慶祝生日，乜都冇準備......

請佢食飯當補數啦，我提意食意大利菜大家都食得好滿足

今日一返到學校，個個同學都起哄，做咩呀？我幾時做左公眾人物嫁？

中文呀中文？點解你要係中文呀

員外呀•••難道你不明白我的心意嗎

......我明你嘅心意，咪係拉低我啲平均分囉...........

我究竟點解要係中文人.....................又唔識考中文

我究竟犯左咩錯，要俾人話我屈機，唔俾我參加，要我做表演嘉賓..........

觀棋容易下棋難

篇文我都未作o忝，為何觀棋容易而下棋難呢，觀在於看，別人的一舉一動全在眼中，但是下等觀棋者只在乎對奕者之間的勝負，中等者會細味棋局每一步之進退，而上等者則是察看下棋者之本意，那一步是迷惑誘敵，那一步是虛張聲勢，聲東擊西，暗渡陳倉，攻其無備，那為何下棋難呀？下等者不依章法，從心所欲，中等者依照章法，經過觀來模仿，但是遇到真正高手便容易被迷惑，或因小利而失全局，上等者會察看對手心情，狀態，高低，不會獅子撲兔，亦不會輕敵自滿，所以試問世上高手又有幾人呢？

今日一返到學校見到得幾條友喺度，嘩！攪咩呀

嘩，真係我為數狂呀，我竟然可以攞到六成半分數呀，呀SIR真係勁，白痴都可以教到合格

今日完全唔洗上堂，做咩呀我有俾錢嫁，點解我要俾人放逐呀，我想上堂呀

我真係好想講，唔好喺我面前做埋D懶顧全大局嘅騙局，你要做唔該你做得高明小小，唔好露出馬腳，咁樣我會好失望嫁，雖然我從來冇對人有咩希望，但係你唔好做D嘢出嚟等我踼爆你，唔好以為自己好高將呀唔該

大話

大話可以分好多種，但係呢個世界係冇踼唔穿嘅大話嫁，大話包大話只會好似滾雪球咁，愈滾愈大，隨時引火自焚，最高明嘅大話莫過於講一千次一萬次令人以假亂真，但係你肯定唔會喺中間俾人踼爆？所以做人都係老實D好