好似好耐都冇見過tamama
不過其實又唔係咁耐,記得等個fd返屋企,都過o左去搵?lt;br /> 仲食到尪豸漟N既公仔面 + 四海魚蛋 + 生菜
吤繨雃n好食wor......(肚餓就乜都好食啦)
不過送面o個支whisky就真係幾好飲。

同tamama開始傾計有冇一年呢?
最好笑既一句,超越o左朋友既關係,但係記住都係得友同埋誼
其實一開始都分得好開既,只係而個人你同吨@齊好舒服,乜都講得。

估唔到第一個人會同我講埋同一番說話。
我搵個fd出黎陪我傾下計,
其實每一個人本身都已經有o左自己既答案,
有時都只係想而個人去支持下我,
雖然個答案或者個解決方法都唔會聽.......

我都唔知講過幾多次!!

平心面對問題......我都做唔到.....
習慣成自然....隻手慣o左拎起個電話.....
而家冇...有o的唔慣添....

尋晚白痴到連自己發燒都唔知,直到自己成身汗先知,不過知道都太遲
因為自己已經冇晒力,成條死屍咁訓o左係人地屋企。
好多謝兩個傻婆照顧我,打完o個支針,想死......

兩點幾俾人問o左個考起我既問題...完全唔識答...

6點幾落o左pcp同啊p吹水,途中小插曲唔好提,差人大晒咩...

10點開始又係失常時間,算啦...我自己就係一個失常既人
飲完酒講o的o野係真係假,做o左o的o野係真定假?
我都唔知,不過我相信唔經大腦去唸既o野係真!

閉起雙眼我最掛念誰?眼睛張開身邊竟是誰?
係要自己呃自己?定係由得自己錯落去?
希望你會明白....

朋友既感情問題希望我可以幫到你啦!
而我自己既,我都未知點去解決....

今朝行返工既時候收到個出奇既電話。
"係邊啊你"
"上水"
"我係太和暈暈地落o左車"
"得,我過黎搵你"
"um,第十卡"
到站見到隻鬼....面青青....
上到車鬼打都冇咁精神...
同佢講多兩句塊面有番血色....
唔該下次有事打黎..........

----------------------------------------------------------------------------

兩個星期入面都唔知自己似乜,自己都好似未笑過,
有時都想知自己想點?
睇番o的日記,睇番o的訊息,就算一個好普通既錄音都會唸起好多o野,
再唸我自己都唔知自己會唔會痴線。
麻煩朋友們陪我我又覺得唔好意思,
成日俾一個人話我,:你好煩啊,成個女人咁"
有時我認ga...唔俾咩?
好想eva打黎同我傾下計啊,一個可以死都串到我番生既人!

-----------------------------------------------------------------------------

而兩日竟然有人問番我而世人既執著係乜,
我自己唸番起都有o的難過......
不過中間有好有唔好啦,我都唔識去答.......

路點行你自己識去揀,
要辛苦自己?定係去俾自己開心?
而家咁樣你真係開心?快樂?幸福?滿足?
一時三刻我知你解決唔到,
但係有冇時間可以俾你自己?
我都唔想你痛苦落去。
我講過既說話不嬲都可以兌現,
只是你仍要過這些痛苦的日子?

而條路好長,我不停咁追你,你不停係咁走
你幾時先會停低等我?而我真係只可以不停咁行下又跑下
我唔會俾自己停.......但係你呢?
感情係冇期限既...只有愛同唔愛.....

這一天你仍會答一句跑慢一點來迎合我嗎?

終於用左兩個幾鐘完成聯和墟新屋既電腦系統,真係煩到仆街,O的線唔夠長又要出去買,一陣又o左舊o野又要出去買!
一個字煩,都唔知係唔係前世欠o左你地兩個。無啦啦都唔知搬黎做乜!

同啊嵐第一次傾電話傾得多過兩個鐘,由天黑睇住佢天光,我都想去睇下日出!
又係搵你聽我講廢話既時候,我都唔想,我都唔知可以打俾邊個!

10號晚,我一生人最大既高低起伏,算啦...有o的o野唔提好過提...
有o的o野始終都係忘記唔到既,
別人笑我太瘋癲•我笑他人看不穿

其實我都唔知自己想點,我只係知我揀o左o個個係邊個,而個答案夠唔夠啊??
係朋友就唔好再話我啦!

其實唔知佢而家點呢?拎起個電話都唔敢打俾佢,開始有o的驚佢,
而o的係唔係叫保護自己呢?

to p :
鐘意一個人係唔係真係要顧慮咁多野?答自己愛同埋唔愛咪夠囉?
你梗係冇睇我facebook啦,知唔知而家仲有得去揀既時候就應該珍惜,
到第日真係仲有更加多問題出現,點解而家仲要唸咁多野呢?
我自己都唔見得好過你幾多,我都唔想多講。
只係...試下用自己直覺去行動,行動完再去解決問題,我相信佢一定肯同你一齊面對既。
而你而家選擇唔去面對,抑或你根本唔愛佢?愛佢就唔好考慮咁多野啦!

我不知道我還有沒有我的愛情故事!但也希望能與她共渡時艱。

原來咁耐發生既野好似乜都係假....
究竟所謂真係乜?假又係乜?
點解而幾日高低起伏可以咁大?

係唔係真係可以好似發場夢咁?
起番身又冇事呢?
我真係做唔到....但係好多o野唔係自己去決定。
咁多位朋友放心.....
我有野一定會放係心度....唔會再同你地提一句....
因為連我自己都覺得煩!

你既決定就算係點都好....你開心就夠....可能我稱不上一個好男朋友....

而我唔知會唔會變番個冷血既陳鴻鈞呢?

期待中......我自己都唔知!

返到屋企食飯,收到一個好開心既SMS。
全哥哥說他結婚了,那就是他等的那個她。

中一踢波識全哥哥,當然也不是一個好人,仍是滿身紋身的大漢,球場上他絕對是一個好波友。
仲有踢波既時候都仍都會踢完波去食個飯,飲下啤酒吹下水。
唔知係唔係睇得戲多,都覺得而o的人冇個好人,身邊女人都係話就黎話去就去...
義氣兩個字更加唔使講....哈哈...而個係我當時既見解。
咁耐世紀,其實都唔係太記得佢女朋友係咩o野樣....
只係知全哥哥好愛而個女仔,我成日都會話佢出黎玩唔係應該好多女既咩?
最奇個答案係,一齊玩就多...而o的o野唔岩我,我鐘意長情....
可惜而個女仔一定唔係啦!
其實可能o個時細個乜都唔識,我唔覺得個女仔有咩o野好,o的粗口勁過我,成個男人咁,都唔知鐘意翜o的乜...
哈哈...全哥哥就係鐘意佢....
日子長了,終於都會有分手既一日,見到全哥哥咁既樣...都唔知同佢講乜...
全哥哥成日話等佢...(等條命咩...我當時真係咁唸)....
到今日...我都唔知過o左幾多年....佢地兩個終於都走返埋一齊....
雖然我乜都唔知.....但係聽到佢講一句佢等到既時候,,,,我都祝福佢!!!

一路以黎都係自己呃自己...一路自己氹自己....今晚知道答案好開心.....

又或者係一個惡夢開始....

尋晚麻煩o左啊嵐陪我....最仆街係佢上到黎我訓o左覺......
sorry...........你又問番我同一個問題........陳鴻鈞你究竟係唔係男人黎架.......
頂你.........

啊嵐出發佢既歐洲之旅...真係好......唔知伯母會唔會俾你激死呢?
小心!!!

君君得番一個人.....又係我上你度既時間,,,,,哈哈!!!