今日係夜晚的9:30睇完強劍大結局之後,就又同d朋友落左去打羽毛球,

仲打得好勁∼下下都要打到〔拍拍〕聲(正所謂-唔〔拍〕唔打= =")

打到成11點先番上黎,上到黎成身汗,不過一入到黎就要好似天堂式的冷氣服務,

超good!!!但係最重要的都唔係呢樣...keke,最重要的就係題目所講的電腦.....

當我第一眼見到有一個大箱,我就立即問媽咪:媽咪!媽咪!e樣係咩黎嫁??

唔通係我想要好耐的新電腦??原來真係比我估中左,個心梗係好開心啦!!!

不過呀媽話要聽日下午的5點正先開始整,因為太累= ="

(個心梗係想快d整啦!!!可惜冇計啦><")不過原來係得個硬件= ="(好過冇啦!!!)

不過媽咪話遲d再買埋個螢光幕,真係好想快d到聽日的5:30(不過我諗我都係會7:30番,因為我要打波= =")

今日係8月3日啦,今朝早7:30就比人嘈左起身,逼住早d番去,

都好ge,可能唔只我一個!!!不過真係好好彩,一番到學校門口就見到我果班的其中一個同學

(仲以為又要我等成個鐘先有人= =")但係佢要我比佢抄功課= ="好衰呀><"

(個個都哈我= =")不過小食部的嬸嬸請我地飲野(好好味呀><)

不過係用食米粉(外賣)果d大碗黎飲,所以印象特別深刻^^"

之後就愈黎愈多同學番到黎(仲以為會大把人唔知要番= ="kaka)

不過果陣都幾早,得8:40,學校要成9點先開門比我地上去,

仲要慢慢等.....到9點正啦!!!大家到立即衝上去課室

(因為通告話係1x2室至1x6室係比我地用黎對功課)大家衝呀!!!

大家衝到去一樓,見個個課室都冇人,就慢慢等啦!(可能老師未到)

之後等左成15分鐘都係冇人黎,好彩我夠聰明,去左學校個office到問,

原來改左去個hall到對功課.....個個都超無奈= ="

晒左我地成15分鐘的時間(都唔知果張通告有咩用= ="廢的...)

之後立即對完功課就走啦!仲唔快D番去打機咩?去到學校門口的巴士站.....

見到個個都拿住部NDSL係到玩(我都有玩= =")之後就好似番學咁,

搭番x4號巴士番黎屋企.....(等巴士又等左成30分鐘....超無奈)

講到出街食dinner呢...我好鍾意出,不過e次都幾印象深刻嫁^^

因為我第1次穿紛紅色的T-shit,我覺得我穿起上黎唔錯嫁(幾令仔~kaka)

之後食完就去同d親戚行下街,差唔多去到時代廣場果陣,

見到d黎香港自由行的中國內地〔同胞〕,佢就好問唔問,問正個踏單車送貨的= ="

(你地覺得送貨果d人的普通話好唔好呢??我話你知!!係一d都唔好,睇埋你就知= =")

之後果〔同胞〕就問:請問,時代廣場在那裡??(普通話)

果個送貨就答:屎代廣場呀?在前面紅look燈,一至酒,就屎(50%普通話,50%中文)

之後果個同胞又好熱心咁問多次:請問,時代廣場在那裡??(普通話)

跟住個送貨的就仲熱心咁答多次:在前面紅look燈,一至酒,就屎!!(50%普通話,50%中文)

之後有個唔識死的路人就同個送貨的講:你要同佢講普通話嫁!!!

最好笑的係,個送貨的就答番果個路人:我咪同佢講緊普通話lo!!!笑死= ="

e件事就教識我唔識普通話咪講句:不知道,咪得lo,洗咩咁煩wo??笑死人咩= ="