今日第2次寫blog啦!!!因為有一件事好想同你地講><"睇下我有冇做
錯,我最近日日都有同一個女仔打羽毛球嫁,佢幾令,但係同佢家姐一樣,
成日出手出腳,又講粗口,咁我地就好似平時咁啦,打羽毛球,之後打下
打下,唔知邊條友仔唔識死阻住我溝女就問:喂!!!玩唔玩捉呀??
(啫係捉迷藏)之後佢地就話好呀!!連果個女仔都係,咁個個都玩,
而我就冇玩,因為我隻左腳仲係好痛,行一步都好痛(好彩仲打到波^^")
之後玩下玩下,可怕的事發生啦!!!有對兄弟的細佬就捉死佢呀哥,之後跟
左佢呀哥入左附近的OK便利店,因為佢呀哥又好口乾,所以想買野飲,
之後冇啦啦殺出一個細佬,捉到佢,之後佢就搵晒我地睇下邊個錯,
同埋睇下個呀哥洗唔洗做,之後果個女仔就話:喂!!!玩之前冇話可以捉死人!
所以你做過啦!咁個細佬就一定唔制啦,之後個女仔都係屈到佢做,
之後佢地就跑啦,果個細佬就立即哭><(佢好似升小學3年級)
之後又唔知邊個死仔又大聲講:佢哭呀!!!!!搞到個個都番黎睇下咩事,
原來係佢唔服氣= ="之後我就頂左佢捉人的位置,之後大家都冇再玩!
之後我就同果個女仔講:你頭先的語氣好似重左小小wo,
之後佢就話:鬼有重呀?我同佢講道理啫,我鬼有錯呀?之後我就話:佢咁細個...讓下佢啦!
之後佢就話:唔通要我食死貓呀??之後佢就有小小眼紅(可能佢覺得我屈佢)
之後又唔知邊個死8婆就話:你睇下,佢哭呀!之後果個女仔就閃左人,
之後我就見到佢係樓下的一張石椅到哭,唉.....都唔知我有冇做錯><
之後吃完dinner,d fd叫我同佢地落去打籃球,諗住安慰下我,
之後打到11點先番黎,真係有開心番d ge,但係e件事真係令到我個心好煩,
我真係好想知我有冇做錯??唔該比下意見我.....我唔想就咁冇左個朋友><"
|
