今日返教會，係我自己一個人返，返到去ｇｅ感覺好落網，唔知點解我覺得存唔存在都無咩所謂咁．．．．
肥聲係到陪我，我都好投入咁去唱詩，祈禱，聽見證，聽講道，期間阿爸打比我，
話佢唔記得戴鎖匙，但屋企又煲緊湯，咁即係要我即刻攞鎖匙比佢姐∼唉∼我聽緊道架嘛，
咁我就好尷尬咁離開教會囉，其實我好炆架~之後再返教會，聽多一陣就完了，
返小組係咁祈禱，５點就完了．．．我係教會到坐左陣就走ｌｕ！！
今晚的演唱會我唔去啦，因為屋企人唔比我去，加上又無人陪我啵，我都唔想去啦！！
返到屋企就係咁睇書，重睇返＜那些傻事．．．＞，我居然感動到喊，原來愛情係可以咁樣架，
第一次睇的時候我都唔會喊，但呢本小說真係好好睇呀，Ｄ句子寫得好中呀！！
１．幸福也許只有表象，一旦尋根究底，就會發現裡面其實空空如也．
２．我們都總是這麼傻吧！如果情人對自己不好，總以為他只是逼不得已．
明知放不下，保持理智的話，痛苦的是自己不是他．
３．愛該像上佳的芝士一樣，在香濃之間，有一點酸澀，有一點辛辣．
４．即使浪蕩多久，即使多麼嚮往自由，忽然有一天，我們不再想一個人過日子．
5．這大概是愛情吧？再冷漠的人，也會被融化，再堅硬的圍牆，還是被砸開了．
6．愛雖然不可以成全一切，婚姻不一定能使距離泯滅，名分也不足以肯定愛情．．．．．．
但只要我們今後誓死不放手，誰也不能再動搖我兩了．
我覺得其中一句係寫得好好架：
幸福最大的敵人是猜疑！猜疑讓所有美好的東西看起來亳無道理，世事不是本來就亳無道理嗎？
我而家先知道原來自己都可以咁快睇完一本書架∼∼
有睇我日記的朋友，可唔可以就我以上的句子黎發表感受呀，因為我好想知道你地係點睇架，唔該呀＞．＜
| 
刊登時間︰2005-07-16 10:19 PM [ 
