都好耐冇打過日記喇，因為日日都冇咩好打...不過今日就實在太憤怒啦...唔打都覺得對自己唔住呀...
本來今日返學都冇咩啦，好似平時咁，上到課室，感感佢又唔返喇，唉...勁無奈呀我，
之後早讀，比miss Li串，又一次勁無奈，跟住上兩堂科學，兩堂都悶瓜我喇，
之後英文上miss tong堂，都冇咩特別啦，之後小息，返左課室做英增，小息之後又你連堂，
但係奇怪地，係呢兩堂我平時最憎上既maths中，我竟然冇打過喊"霧"喎，可能因為今堂我聽得明佢講咩啦，
之後lunch，冇咩野，不過見到感感返左黎，但係都遇左架啦，之後中史，感感佢好好彩，
miss潘佢竟然唔記得左問感感書...中史之後係中文，要默書...lucky既我及格(其實因為我有溫書姐)，
感感唔溫書，成日睇我本簿...不過好可惜，睇左我本簿都唔及格...之後就係講既就係我今日覺得最嬲既一件事喇，
就係我今日係放學果陣要科學test，勁蠢既我竟然行左去門口既第二張desk果到考，
點知果張desk真係超xy呀，電芯冇，燈泡唔著，銅片又唔夠，咁得算啦，比分我果個人重要叫我用本生燈呀，
擺明玩野啦，根本個實驗都唔洗用本生燈...正一粉腸呀...不過我夠醒目，冇比佢串到姐...
|
