今日大概黎講都ok既，不過如果計埋最尾果兩堂就唔係咁講喇...

今日最尾果兩堂係中文，老師話要作文(400字)，我唔知點解越寫越興奮，

張原稿紙兩面都比我寫到滿晒，總共寫左751倨字，諗返都覺得自己勁變態呀...

今日放學冇啦啦話要留低聽講座，果個講座又勁悶喎...

咁我就梗係唔聽果個講座，係到睇書，點知睇睇下，有個老師黎收左我本書喎~

果陣真係覺得勁魚囉...之後被迫聽果個咁既講座，悶到我死...

都唔知奉獻左幾多眼淚比果個講座...之後個講座完左，出去問老師比返本書我，

比佢"哦"左一陣...勁無奈......

之後離開左學校，陪曾美珍去換冷衫，去左果間野到，

見到有勁多人係果到...之後就同左曾美珍入去，幫佢同果到d人講完之後，

我就出左去等佢...點知等左佢幾耐都未出黎...唉...冇野好講喇......

今日返學好無聊呀，感感又唔返，上堂悶到嘔呀...

悶都算喇，上中史堂果陣勁唔好彩咁比miss潘叫左起身答問題，

果條問題之前明明睇過下架，點知之後唔記得左小小，結果比miss潘罰抄書...

唉...無奈......不過好彩係抄中文字姐，所以好快就抄晒喇...

之後英文堂，上上下，冇啦啦走火警，個miss都唔知發生咩事...

跟住勁無奈咁由6樓行落去地下，之後再由地下上返6樓...

之後又落返地下食飯...成日就係咁...上上落落就一日啦...

p.s 呢排唔知點解勁搵shinhwa果d圖，以下就係其中一幅圖...