|
今日 早上７點幾先起身 超唔想起身 因為勁眼訓 不過係咁比啊媽嘈叫我起身 之後就換衫
換完飲左盒奶 就落樓下等六蚊 之後就一齊番學嚕 番到學校 唉...課室ｄ冷氣又唔凍 熱到癡肺
攪到勁冇心情上堂 之後係到訓教 訓到落堂 先知道個個起曬立 得我一個未起 勁白癡...
之後上英文堂 個ｍｉｓｓ又要懶專業咁 係咁講英文 根本冇人聽得明佢講咩 攪到勁眼訓
不過好彩有高丸坐係我格離 可以有人陪我傾計 唉...同高丸傾起個個男仔ｄ野 勁心痛...勁唔開心...
其實我都唔知鍾意佢 究竟係唔係錯 每一次當見到佢同個個見習女公關傾得好開心 個時我就會好心痛
其實...我真係冇資格去理佢同邊個女仔傾計 因為我又唔係佢邊個 所以我只可以眼白白咁望住 只可以心痛
好想放低佢 但又放唔低 佢如果真係鍾意個個見習女公關 我祝佢可以得到幸福 但個個見習女公關有男朋友
我唔知佢地係唔係都鍾意大家 定還是只係朋友 希望我眼見ｇｅ野 唔係好似我所唸咁啦
主...願您拖帶住我走過唔開心ｇｅ路 今日依條路 我真係唔知去點走過 因為真係太傷啦 冇左主您ｇｅ愛
我唔知可以點在去行過依條路 主...無論結果係點 我都請求您會去愛佢 去照顧佢 係佢有唔開心 有困難時
主您會去幫助佢 去拖帶住佢 感謝主...我可以做ｇｅ野 只係為佢祈禱 只要佢開心 我就開心 希望我做到啦
不過唸番起上次佢摸個個見習女公關塊面 我就好心痛...好想喊 主...點知我要成日唸起唔開心ｇｅ野
點解唔可以唸起開心ｇｅ野 我知道有好野都冇得解 不過...點解愛咁複雜 咁令人傷 咁令人痛
唔通我真係要等到唔做個時先向佢表白？？我自己都唔知 唉...心情好亂 都唔知點好 成日唸起佢
愈唸就愈心痛 唉...心情差爆 願主賜快樂比我 之後放學同六蚊一齊番屋企 番到屋企就玩電腦
玩到差唔多５點 攰過頭 之後就訓教 訓到５點半多ｄ 六蚊就打電話黎 之後就換衫 之後就去左商場到搵佢
之後就一齊去左南豐到食野 食完就搭地鐵去旺角 首先去陪六蚊去潮流特區到買袋 之後再去旺中
買左好多扎頭髮ｇｅ橡根 之後去左花園街 行到差唔多１０點 就搭地鐵走人嚕 番到坑口 去Ｍ記到買野比家姐
之後就番屋企嚕 番到屋企第一時間洗白白 洗完之後就玩電腦 唉...玩電腦個時 係咁唸起佢 好掛住佢啊
不過又無啦啦唸番起佢摸個個見習女公關塊面 心情超低落 我如果冇睇過依個場面 幾咁好 最少少樣野令我唔開心
其實我每次為佢喊 佢會唔會感覺到 有些感覺 唔通唔講好過講？？但如果講左 要可以忍到痛 如果唔講
就連機會都會冇 唉...心情好唔上唔落 唔知點好 主...求您指引我去點做 我真係好唔開心 唉...唔開心爆
想喊 但又喊唔出 開心回憶太少 傷心太多 可能依個就係我ｇｅ人生 如果依個係我ｇｅ人生 我又應該點過
之後玩電腦玩到差唔多１２點 就訓嚕
直到愛上你 才了解自己
對你愛到底 戰勝死別生離
| 
