2006 年 9 月 2 日  星期六

今日  早上６點半多ｄ  就起左身嚕  之後就換衫  換完之後就執野  之後就搭地鐵去觀塘番工嚕

番到去公司  見到好多同事係到食野  之後我就換衫  換完之後就張我昨日買ｇｅ朱古力比佢

佢需然收左  但可能見到個個女仔係到  所以都唔係好開心  之後換克衫  坐多陣就出去做收銀

做到１１點幾  就早餐  食完之後就繼續做收銀  做到２點幾  就食午餐  食完之後就出左樓面到做

做到３點幾  就放工嚕  之後就去左休息室到坐  見到佢都係到  之後佢同我講  話食唔曬ｄ朱古力

唸住比番我  個時聽到真係好唔開心  但之後因為佢又冇咁早走  所以佢係休息室到坐其間

攞左我送比佢ｇｅ朱古力出黎食  個時好開心  需然佢張ｄ朱古力都有ｄ分比人  但我都好開心

之後我係休息室到同同事傾計  傾到３點半到  就換衫  之後就走人嚕  走個時  佢同我講ｂｙｅ　ｂｙｅ

個時好開心  需然佢都有同我表姐講ｂｙｅ　ｂｙｅ  但唔知點解我好開心  之後就同表姐去左觀塘商場到行

個時心情都冇咩野  不過唔知點解搭地鐵個時  唔開心ｇｅ感覺又走番出黎  唉...番到坑口  去左ＯＫ店買雪條

買完之後就番屋企嚕  番到屋企  都冇咩野  但玩玩下電腦  唔開心ｇｅ感覺又走番出黎  唉...都唔知發生咩事

點解我成日都唔開心  成日都心情咁差  唔通因為佢  我唸應該係  唉...有時都攪唔清自己究竟想點

主...求您話比我知  我究竟想點  我心入面究竟唸緊咩  我究竟可以開心幾多日  可以幾時離開悲傷

不過所有野  我需然唔知結果會點  不過我相信主會比最好ｇｅ路我行  就算有困難  都會同我一齊走過

主...我說得對嗎？？玩玩下電腦  好攰  之後就訓教  訓到８點幾  就起身食晚餐  食完之後就玩電腦

唉...唔知點解  突然唸起佢  覺得自己太差  佢太好  我地永遠都冇可能係埋一齊  有好多野  佢太好啦

而我就好差  可能我個人天生比較自卑  但...佢真係比我好  佢咁好  點會選擇一個咁差ｇｅ人

我真係傻  人地只係當我係一個普通同事  而我就對佢好似情人咁  不過我就算黠關心佢  幾愛佢都好

佢都唔會鍾意我  因為我知道自己同佢冇可能  一路只係我一廂情願咁付出  唉...有ｄ野  何時應放手

何時應捉緊  我依家應該要做個決擇  放左手  可能我會開心ｄ  但我怕自己會唔捨得  怕自己會心痛

主...我應該點做好  我究竟應該點做好  唉...內心好唔知點  我應該繼續愛佢  定放棄佢好  我都唔知

之後玩電腦玩到９點幾  就換衫去東港城到行街  去左Ｌｔａｌｉａｎ   Ｔｏｍａｔｏ到買左個蛋糕

原來唸住去買盒士多啤梨  但突然又唔想買  之後行到差唔多１０點  就番屋企嚕  番到屋企  飲木瓜雪耳糖水

好好飲  飲完之後就玩電腦  玩左陣就洗白白  洗完之後繼續玩電腦  玩到１２點到  就訓嚕

發覺心無時無刻在想念
投入太多我卻開始膽怯
不害怕付出只怕沒有機會

2006 年 9 月 1 日  星期五

今日  早上６點半多ｄ  就起左身嚕  之後就換衫同整野  整完之後飲左杯豆漿  就落樓下等六蚊嚕

今日係開學日  唉...好唔想番學  仲要係李可同黃凱萍做班主任  更加想死  之後下午去聽開學禮

勁無聊  年年都係講埋曬個ｄ野  聽到我訓著左  之後放學六蚊就陪我去新都城到食野  好耐冇食過艇仔粥

所以去左海皇粥店到食艇仔粥  食完之後就去左許留山買野飲  之後就係新都城到行街  行左陣就搭地鐵去坑口

之後去左連理行同東港城到行  行完再去南豐  係南豐到租左隻碟同買左條扎頭髮ｇｅ橡筋  行到差唔多６點

就走人嚕  點知係東港城到見到啊媽  之後被逼陪佢去百佳買野  之後買宛就番屋企嚕  番到屋企第一時間開冷氣

之後就玩電腦  係到睇碟  一路睇  一路係到食晚餐  食完之後玩多陣電腦  就換衫去南豐到還碟  還完之後就去左百佳

去到百佳見到ｄ朱古力  我就唸起佢鍾意食  所以就買左  唸住聽日番工比佢  但係...我知道自己冇資格愛佢

佢可能真係鍾意左個個女仔  之後自己走左去商場個廁所到喊  唉...心情好差  好想戎手  但咁樣做  對唔住自己

更加對唔住主  主...求您比個指引我  教我應該點做  點解佢要咁對我  屋企人又要咁對我  我究竟做錯咩事

點解人人都要咁對我  好似係依家世界上  個個人都好憎我咁  我個心真係好痛啊  真係好痛啊  我聽日點面對佢好

見到佢  需然好開心  但見到佢同第二個女仔傾得咁開心  玩得咁開心  個刻  心就好似比刀插咁  好痛...好痛

痛到咩都唸唔到  只係好想喊  只係好想戎手  只係好想自殘  其他ｇｅ  咩都唸唔到啦  愛在心裡口難開

又或者  我唔講好過講  主...我請求您  無論我知道個結果係點  都求您保佑佢  無論佢同邊個女仔一齊

都願主賜比佢地幸福  我相信  我就算痛  都會好快好番  因為我有主ｇｅ愛  有主ｇｅ照顧  感謝主...

之後喊完行多陣  就番屋企嚕  番到屋企  唉...心情勁差  屋企人又好似唔知點咁  自己心情又唔好

簡直想同全世界ｇｅ人脫離  唔想再講野  主...求您去安慰我  我真係好唔開心  我唔想再咁落去啦  愛一個人

原來係咁難受  早知  我就唔愛啦  唉...我以後都唔再開心嫁啦  因為  我唔想再開心  都唔想再唔開心

之後打電話比Ｋｅｌｌｙ傾電話  同Ｋｅｌｌｙ傾完電話  個人心情真係好左  冇再咁唔開心  感謝主賜Ｋｅｌｌｙ比我

之後傾到１１點幾  就洗白白嚕  洗完之後就玩電腦  玩左陣就訓嚕

為了愛我真受夠傷
不去用腦想  牽掛又會有幾傷

2006 年 8 月 31 日  星期四

今日  早上又係６點半起身  半訓半醒咁去換衫  換完之後就搭地鐵去觀塘番工  番到公司

唉...心情勁差  之後一夠鐘  就出去做收銀  做到１１點幾  就食早餐  食完之後出去繼續做收銀

做做下  佢無啦啦出左去樓面到做  個時見到佢同個女同事傾得勁開心  之後仲見到佢摸個個女仔塊面

個刻心情就好似由谷頂跌落谷底咁  個時勁忍住唔喊  但唔知點解係咁唸起  最後始終都係喊左出黎  又要對住ｄ客

好難受...只好好快咁抹眼淚  唉...心情十分低落  做到２點到  就食午餐  唉...點左野食  但又唔想食野  不過唔食野

就冇力做野  之後只好食ｄ雞翼  唉...主...我究竟要點做先好  好辛苦啊  一路做野  一路係咁唸起個個情景

傷口原來一有  就唔會消失  只會愈黎愈傷  原來今日我先知  我從來都冇開心過  只係自己呃自己

話比自己知我好開心  其實何謂開心  我都唔知  開心...可能只係一樣好短暫ｇｅ野  一過就冇  但傷口  卻永永遠遠

今日我所親眼親身感受到ｇｅ野  比我知道一樣野  原來我一直都好天真  以為可以ｇｅ野  原來一直都唔可以

主...我個心都係好亂  請求您看顧住我  拖帶住我走過每日唔開心ｇｅ時刻  主...我唔知依ｄ係唔係您比我ｇｅ考驗

但無論點  我都唔會放棄佢  就算有幾傷  都唔會放低佢  因為我愛佢  就好似我唔會放低主您咁  除非主放低我

如果唔係我唔會放低主  主...我知道您一定會聽到我ｇｅ禱告  主...求您賜量比我  去刻服所以野  也願主保守住佢

即使佢點都好  也願主對佢不離不棄  就好似主您對我地咁  心情一路唔好  一食完午餐出去做收銀冇耐

就覺得勁唔舒服  所以做左幾個客  就番左去休息室到坐  坐到差唔多４點半  就換衫走人嚕  之後就搭地鐵番屋企

番到屋企  心情都仲係唔好  喊左幾次  唉...可能我ｇｅ人生就係咁  一直傷心落去  不過我相信  主知道我唔開心

主會幫助我  會去關心我  開解我  今日需然心情唔好  但有主比我ｇｅ安慰  總算可以渡過到唔開心ｇｅ時刻

主...感謝您  期望以後我可以開開心心咁渡過  唔再有眼淚  唔再有悲傷  每日可以得到主ｇｅ愛同關心

之後玩電腦玩到差唔多８點  就食晚餐嚕  食完之後睇左陣電視  就繼續玩電腦  玩玩下  點知勁眼訓

訓著左  訓到１０點幾就比啊媽叫醒洗白白  洗完之後繼續玩電腦  玩到１１點半多ｄ  就訓嚕

如此的愛你　花刺痛的傷
不想抵抗　該要如何學會隱藏
不放棄　心中刻下了永遠愛你